လူတွေကို မျက်လုံးပြူးသွားစေနိုင်လောက်အောင် ထူးထူးဆန်းဆန်း တည်ဆောက်ထားတဲ့ အဆောက်အဦးများ - Myanmarload

လူတွေကို မျက်လုံးပြူးသွားစေနိုင်လောက်အောင် ထူးထူးဆန်းဆန်း တည်ဆောက်ထားတဲ့ အဆောက်အဦးများ

https://s9.kh1.co/9c/9c6ad8658202d3bb7559205490ab3fe5bd0f73b5.jpg
ဗဟုသုတအဖြာဖြာ
 19-Aug-2021 1pm · 4 months ago

.

ကမ္ဘာပေါ်မှာ ဗိသုကာပညာကို အသုံးချပြီးတော့ သဘာဝရဲ့ဘေးအန္တရာယ်တွေကို ကာကွယ်ဖို့ အတွက် ကြီးမားခိုင်ခံ့တဲ့ အဆောက်အဦပေါင်းများစွာကို လူသားတွေဟာ ဆောက်လုပ်ခဲ့ကြပါတယ်။ အခုဖော်ပြပေးမှာကတော့ လူသားတွေ ဖန်တီး ဆောက်လုပ်ထားတဲ့ အဆောက်အဦပေါင်း များစွာထဲကမှ ထူးထူးဆန်းဆန်း ပုံသဏ္ဍာန်ရှိတဲ့ အဆောက်အဦတွေပဲ ဖြစ်ပါတယ်။

The Crooked House

https://s9.kh1.co/__image/w=650,h=366,q=100/13/13fe5e4c4b115f9287f4e639b44e3b0a8ccf984a.jpg

ပိုလန်နိုင်ငံမှာရှိတဲ့ “The Crooked House” လို့ အမည်ရတဲ့ အဆောက်အဦဟာဆိုရင် ၂၀၀၄ ခုနှစ်က တည်ဆောက်ခဲ့တဲ့ ဈေးဝယ်စင်တာတစ်ခုပဲ ဖြစ်ပါတယ်။ ပုံပြင်ဆန်ဆန် ဖန်တီးပုံဖော်ပြီး တည်ဆောက်ထားတဲ့ ဒီအဆောက်အဦရဲ့ ထူးခြားလှတဲ့ ဗိသုကာလက်ရာတွေကြောင့် ကမ္ဘာလှည့် ခရီးသွားတွေ အများဆုံးလာရောက်ကြတဲ့ အဆောက်အဦ တစ်ခုလည်း ဖြစ်ပါတယ်။

Stone House

https://s9.kh1.co/__image/w=650,h=488,q=100/8a/8a45e6dd6d654826862435e46e881bd384da7957.jpg

ပေါ်တူဂီနိုင်ငံမှာရှိတဲ့ ကျောက်တုံးအိမ်လို့ ခေါ်တဲ့ ဒီအဆောက်အဦကိုတော့ ကြီးမားတဲ့ ကျောက်တုံးကြီး နှစ်တုံးကြားထဲမှာ တည်ဆောက်ထားတာဖြစ်ပြီး နာမည်ကြီး ကာတွန်း ဇာတ်လမ်းတွဲ တစ်ခုဖြစ်တဲ့ The Flinstones ကာတွန်းကားထဲက အိမ်တွေအတိုင်း တည်ဆောက် ဖန်တီးထားတာ ဖြစ်ပါတယ်။

Dancing House

https://s9.kh1.co/__image/w=650,h=529,q=100/cf/cff01d6be7c69118fd68ff9cb64c3c37f5eff318.jpg

ချက်သမ္မတနိုင်ငံရဲ့ အကြီးဆုံးမြို့တော် ပရက်ဂ်မြို့မှာ တည်ရှိတဲ့ ဒီအဆောက်အဦဟာဆိုရင်တော့ အဝေးကနေလှမ်းကြည့်ရင် လေထဲမှာ ပျံဝဲကပြနေတဲ့ အဆောက်အဦပုံစံ ဖြစ်အောင် တီထွင်ဖန်တီး ဆောက်လုပ်ထားတာပဲ ဖြစ်ပါတယ်။ ခေတ်မီပြီး ဆန်းသစ်တဲ့ ဗိသုကာလက်ရာကြောင့် မြို့ရဲ့သင်္ကေတ တစ်ခုအနေနဲ့ ကမ္ဘာလှည့်ခရီးသွားတွေက လာရောက်လေ့လာလေ့ ရှိကြပါတယ်။

Habitat 67

https://s9.kh1.co/__image/w=650,h=342,q=100/26/261519b654ca31e973fb07233086dc651913a283.jpg

ကနေဒါနိုင်ငံ မွန်ထရီအောမြို့မှာရှိတဲ့ ဒီအဆောက်အဦဟာဆိုရင် ၁၉၆၇ ခုနှစ်မှာ တည်ဆောက်ခဲ့တာ ဖြစ်ပြီး ဗိသုကာပညာရှင် Moshe Safdie ရဲ့ လက်ရာ ဖြစ်ပါတယ်။ ကုဗတုံးတွေ စီထပ်ထားသလို လေးထောင့်ပုံ တိုက်ခန်းတွေကို စီထပ်ထားတဲ့ ဒီအဆောက်အဦဟာဆိုရင် အခုချိန်အထိ ဆွဲဆောင်မှုရှိပြီး လူနေတိုက်ခန်းအဖြစ် အသုံးပြုနေဆဲ ဖြစ်ပါတယ်။

La Pedrera

https://s9.kh1.co/__image/w=650,h=433,q=100/fe/fe1dfbc7f63e1d2dd270269468a587aafdb0497d.jpg

စပိန်နိုင်ငံ ဘာစီလိုနာမြို့မှာရှိတဲ့ ဒီအဆောက်အဦဟာ ယဉ်ကျေးမှုစင်တာတစ်ခုဖြစ်ပြီး ၁၉၁၂ ခုနှစ်မှာ တည်ဆောက်ခဲ့တာ ဖြစ်ပါတယ်။ ဗိသုကာပညာရှင်တွေဖြစ်တဲ့ Antoni Gaudi နဲ့ Josep Maria Jujol တို့က ဖန်တီးတည်ဆောက်ခဲ့တာဖြစ်ပြီး ကမ္ဘာ့လက်ရာအမြောက်ဆုံး အဆောက်အဦ စာရင်းမှာလည်း တစ်ခုအပါအဝင် ဖြစ်ပါတယ်။

သတင်းအရင်းအမြစ်Wonderlist

Tun Lin Aung
Aung

ဆက်စပ်ဆောင်းပါး