လောကကြီးမှာလူတိုင်းက သူများအသက်ထက် ကိုယ့်အသက်ကို ကိုယ်ချစ်ကြတဲ့သူတွေချည်းပါပဲ။ သူများကို ကိုယ့်အသက်ထက်ပိုပြီးချစ်ပါတယ်ဆိုတဲ့ သူတွေတောင် တကယ့်တကယ်လည်းကျကော ချနင်း သွားတတ်ကြပါတယ်။ ဒါပေမယ့် အခု အဲ့လိုစိတ်ရှိတဲ့ လူမျိုးတွေ အတုယူသင့်တဲ့ သူတစ်ယောက်အကြောင်းကိုပြောပြမှာပဲဖြစ်ပါတယ်။ သူကတော့ (၁၅)နှစ်အရွယ် အမေရိကန်က ကျောင်းသားတစ်ယောက်ပဲဖြစ်ပါတယ်။
သူ့ရဲ့နာမည်ကတော့ အန်တိုနီ ဘော့ဂ် ဖြစ်ပြီး ဖလော်ရီဒါ ဒေသကပါ။ ပုံထဲမှာဆိုရင် အောက်စီဂျင်ပေးထားရတဲ့ လူနာလေးတစ်ယောက်ကို ပရိတ်သတ်ကြီး မြင်မိကြမှာပါ။ သူကတော့ စောနက ပြောခဲ့တဲ့ကျောင်းသားလေး ဘော့ဂ်ပါ။ သူအခုလို လူနာတစ်ယောက်ဖြစ်ပြီးဆေးရုံတက်ခဲ့ရတာ အကြောင်းအရင်းရှိပါတယ်။ အဲ့ဒါကတော့ သူတက်နေတဲ့ကျောင်းမှာဖြစ်ခဲ့တဲ့ ပစ်ခတ်မှုတစ်ခုကြောင့်ပါ။ သေနတ်သမားတစ်ယောက်ဟာ ကျောင်းထဲကိုအတင်းဝင်ရောက်ပြီး မြင်မြင်သမျှပစ်ခတ်ခဲ့ပါတယ်။
သေနတ်သမားဝင်ရောက်လာတာကိုလည်းတွေ့ရော ဆရာတွေတောင်ထပြီးမပိတ်ရဲတဲ့ အခန်းတံခါးကို ရဲရင့်တဲ့ ဘော့ဂ်ကအတင်းပြေးပိတ်ပြီး အပြင်ကသေနတ်သမားဖွင့်လို့မရအောင် သူ့ခန္ဓာကိုယ်နဲ့ အတင်းကာပြီး တွန်းထားခဲ့ပါတယ်။ အဲ့အချိန်မှာသေနတ်သမားက တံခါးအပြင်ကနေပြီးတော့ သေနတ်နဲ့ အချက်(၂၀)ခန့်ပစ်ခတ်ခဲ့ရာ ကျည်ဆန်ငါးတောင့်ကတော့ ဘော့ဂ်ရဲ့ ကိုယ်ကိုဖောက်ထွက်ခဲ့ပါတယ်။ နောက်ဆုံး ဘော့ဂ်ကြောင့် အတန်းဖော်တွေ အန္တရာယ်ကင်းခဲ့ကြရပါတယ်။ ဘောဂ့်ကတော့အရေးပေါ်ရောက်ခဲ့ရပြီး ကံကောင်းစွာနဲ့အသက်ရှင်ခွင့်ရခဲ့ပါတယ်။ ကျည်ဆန်တွေကတော့ ခြေထောက်နှစ်ထောက်နှစ်ဖက်နဲ့ ပေါင်အရိုးထဲထိစိုက်ဝင်ကာ နောက်ထပ်ကျည်ဆန်တွေကတော့ ကျောပြင်အနှံ့ ဖောက်ဝင်ခဲ့တယ်လို့သိရပါတယ်။
သတင်း အရင်းအမြစ်៖ USA TODAY