ပရိသတ်ကြီးရေ သရုပ်ဆောင် မင်းသမီးကြီး စမိုင်းလ်ကတော့ အလှူအတန်း ရက်ရောသူပီပီ လူထုလှုပ်ရှားမှုမှာ ကျဆုံးခဲ့ရတဲ့ အာဇာနည်သူရဲကောင်းတွေအတွက် ငွေကြေးအင်အားနဲ့ ကူညီထောက်ပံ့ပေးခဲ့ပါတယ်။ ၂၀၂၁ ခုနှစ် ဖေဖော်ဝါရီလ ၁ရက်နေ့ကတည်းက ဖြစ်ပေါ်ခဲ့တဲ့ နိုင်ငံရေးအခြေအနေတွေမှာ ပြည်သူတွေနဲ့အတူ တက်တက်ကြွကြွ ပါဝင်ရပ်တည်ခဲ့တဲ့ စမိုင်းလ်ကို ပရိသတ်တွေက အရင်ကထက် အချစ်ပိုရတာလည်း ဖြစ်ပါတယ်။


ဒါ့အပြင် စမိုင်းလ်က လူထုလှုပ်ရှားမှုပြုလုပ်နေတဲ့ ပြည်သူတွေကို စားသောက်စရာတွေလှူဒါန်းလေ့ရှိတာဖြစ်ပြီး တစ်ထောင့်တစ်နေရာကနေလည်း သူမကိုယ်တိုင် ပါဝင်ခဲ့တာကို တွေ့ရပါတယ်။ တော်လှန်ရေးမှာ သေဆုံးခဲ့ရတဲ့ အနယ်အနယ်အရပ်ရပ်က သူတွေအတွက်လည်း ငွေကြေးများစွာနဲ့ လှူဒါန်းဖို့ ပြင်ဆင်နေခဲ့တာဖြစ်ပြီး ယနေ့မှာတော့ သူမရဲ့ ဖေ့ဘွတ်စာမျက်နှာထက်မှာ အခုလိုရေးသားလာခဲ့ပါတယ်။


ဒါကတော့ စမိုင်းလ်က "မန္တလေးမှာကျဆုံးသွားတဲ့သူရဲကောင်းများအတွက် တစ်ဦးလျှင် ၁၀သိန်းစီနဲ့ ၁၁ယောက်စာ သိန်း၁၁၀ မနေ့ကလှူဒါန်းခဲ့တယ်။ ကျန်ရှိနေတဲ့မြို့တွေကိုလည်းလှူနိုင်အောင်ကြိုးစားနေပါတယ်နော် " ဆိုတဲ့ အလှူပြုစာသားလေးကို ရေးသားတင်ပေးလာခဲ့ပါတယ်။ နွေဦးတော်လှန်ရေးမှာ ကျဆုံးခဲ့ရတဲ့ မန္တလေးမြို့က အာဇာနည်သူရဲကောင်းတွေကို ငွေကြေးအင်အားနဲ့ ကူညီကာ အလှူပြုနေခဲ့တဲ့ စမိုင်းလ်တို့ မိသားစုရဲ့ ပုံတွေနဲ့ စာသားတွေကို ပရိသတ်တွေထံ ပြန်လည်ဖော်ပြပေးလိုက်ပါတယ်။


သတင်း အရင်းအမြစ်៖ Source- Smile စမိုင်းလ်'s FB Page