အဖက်ဖက်က ကျပ်တည်းနေတဲ့အချိန်လေးမှာ အိမ်ထောင်စု (၅၅၀)အတွက် ကြည်နူးပီတိဖြစ်စရာအလှူလေးကို ထပ်မံပြုလုပ်ခဲ့တဲ့ စမိုင်းလ်

မင်းသမီးစမိုင်းလ်ကတော့ တစ်ခေတ်တခါက အနုပညာလောကမှာ အောင်မြင်မှုတွေနဲ့ အကောင်းဆုံး ရပ်တည်နေခဲ့တဲ့ ဝါရင့်မင်းသမီးတစ်ယောက်ပဲ ဖြစ်ပါတယ်။လက်ရှိမှာတော့ သူမဟာ သာယာပျော်ရွှင်တဲ့ မိသားစုလေးကို ပိုင်ဆိုင်ထားပြီး အနုပညာအလုပ်တွေကိုလည်း အနည်းအကျဉ်းမျှသာပဲ လုပ်ကိုင်နေတာတွေ့ပါတယ်။ စမိုင်းလ်ဟာ စကားပြောရင် ပွင့်ပွင့်လင်းလင်းနဲ့ ပြောဆိုတတ်ပေမဲ့ စိတ်သဘောထားပြည့်ဝပြီး သူတစ်ပါးကို အမြဲကူညီပေးတတ်တဲ့သူပဲ ဖြစ်ပါတယ်။

ဒါ့အပြင် ဘာသာတရားကို အထူးကိုင်းရှိုင်းသူတစ်ယောက်ဖြစ်ပြီး အလှူအတန်းတွေကိုလည်း ရက်ရက်ရောရော လှူဒါန်းပေးတာကို တွေ့ရပါတယ်။ လတ်တလော ဖြစ်ပေါ်နေတဲ့ လူထုလှုပ်ရှားမှုတွေမှာပါဝင်ခဲ့ကြတဲ့ ပြည်သူပရိသတ်တွေအတွက်လည်း တတ်နိုင်တဲ့ဘက်က စားသောက်စရာများ ၊ ရှေ့တန်းမှာလိုအပ်တဲ့ ဦးထုပ်နဲ့ မျက်မှန်တွေအပြင် မီးဘေးအန္တရာယ်ကာကွယ်ရန်အတွက် မီးသတ်ဆေးဘူးတွေကိုလည်း လှူဒါန်းပေးခဲ့တာတွေ့မြင်ရပါတယ်။

ယခုအခုမှာလည်း စမိုင်းလ်တို့ မိသားစုက နောက်ထပ် ကြည်နူးပီတိဖြစ်စရာ အလှူလေးကိုထပ်မံ ပြုလုပ်ခဲ့ပါတယ်။ ဒီအလှူလေးကတော့ အောင်ဇမ္ဗူဆရာတော်ကျောင်းတွင် အိမ်ထောင်စု (၅၅၀)အတွက် တစ်အိမ်ကို ဆန် (၂)ပြည်စီဖြင့် လှူဒါန်းဒါနပြုခဲ့တာ ဖြစ်ပါတယ်။ ကဲ...ပရိသတ်ကြီးရေ အခုလိုအဖက်ဖက်က ကျပ်တည်းနေတဲ့အချိန်တတ်နိုင်သလောက် အလှူလေးပြုလုပ်ခဲ့တဲ့ စမိုင်းလ်တို့မိသားစုကို ဆုတောင်းမေတ္တာပို့သပေးပါဦး။

သတင်း အရင်းအမြစ်៖ Source - စမိုင်းလ် Smile fb account