ကန္တာရစပျစ်သီးလို့တင်စားကြတဲ့ ချုံခရမ်းချဥ်အသီး

ဩစတေးလျတိုက်ဇာတိဖြစ်တဲ့ ချုံခရမ်းချဥ်အပင်တွေဟာ  မိုးနည်းဒေသတွေမှာပေါက်တတ်တဲချုံပင်ငယ်အမျိုးအစားတစ်ခုဖြစ်ပါတယ်။ ဒီချုံခရမ်းချဥ်သီးတွေကို ရှေးခေတ်ကတည်းက အခုချိန်ထိရိုးရာဟင်းတွေမှာထည့်သွင်းအသုံးပြုနေကြဆဲဖြစ်ပါတယ်။ ဒီခရမ်းချဥ်တွေရဲ့အရသာဟာ စပျစ်သီးခြောက်တွေရဲ့အရသာနှင့် တူသလိုဖြစ်နေပေမဲ့ ပိုအရည်ရွှမ်းပြီးဟင်းတွေကိုအရသာလေးပင်အောင်ကူညီပေးပါတယ်။ 

ကျန်းမာရေးအတွက်အရေးပါတဲ့ အဲန်တီအောက်ဆီးဒိုက်ဓာတ်တွေပါဝင်တာကြောင့် ရိုးရာဟင်းပွဲတွေမှာပေါပေါများများအသုံးပြုကြပါတယ်။ အသီးသက်သက်ပဲအရသာရှိသလို အာဟာရလည်းပေါပေါများများပါဝင်ပါတယ်။ အရသာကောင်းမွန်မှုကြောင့် အခုနောက်ပိုင်းမှာဒီအသီးဟာလူသိများလာပြီးတော့ ဈေးကွက်ပေါ်မှာပိုပြီးရေပန်းစားလာပါတယ်။ ဒါပေမဲ့ ချုံခရမ်းချဥ်သီးတွေကို ခူးဖို့ဆိုရင်အသီးပုံစံမပျက်အောင်သေချာဂရုစိုက်နိုင်မှ အရသာအပြည့်ရတာဖြစ်ပါတယ်။

အသီးဟာရက်ရှည်ခံတာကြောင့်လည်း အစားအစာချစ်သူတွေကြားမှာကပိုပြီးနာမည်ကြီးတာဖြစ်ပါတယ်။ ကြာရှည်သိမ်းထားရင်တောင် အသီးအရသာမပျက်တဲ့အပြင် အရသာကိုထိန်းနိုင်ပါတယ်။ ရိုးရာဟင်းပွဲတွေမှာ အသုံးပြုကြပြီးတော့ စပျစ်သီးခြောက်တွေနှင့်အရသာတူတာကြောင့် ကန္တာရစပျစ်သီးကြောင့်လို့လည်းတင်စားခေါ်ဝေါ်ကြပါတယ်။