အဆင်ပြေပြီးတော့ စိတ်အေးချမ်းရတဲ့ဘဝကိုရဖို့ဆိုရင် ပတ်ဝန်းကျင်ဟာအများကြီးအရေးပါပါတယ်။ အထူးသဖြင့် ကိုယ်ပေါင်းသင်းနေတဲ့သူတွေဟာ ဘဝလမ်းကိုဆုံးဖြတ်ပေးတဲ့နေရာမှာ အရေးပါတဲ့နေရာကနေပါဝင်ကြပါတယ်။ ဘယ်လိုသူငယ်ချင်းမျိုးနှင့်အပေါင်းအသင်းလုပ်သင့်လဲဆိုတာကို ဖော်ပြပေးသွားပါမယ်။
တစ်ချို့သူငယ်ချင်းတွေဟာ သူတို့အတွက်လိုအပ်ချိန်မှသာဆက်သွယ်တတ်ကြလေ့ရှိပါတယ်။ ဒီလိုမျိုးမဟုတ်ဘဲ ကိုယ်တိတ်ဆိတ်နေချိန်တွေမှာပါ တကူးတကဆက်သွယ်ပေးပြီးအဆင်ပြေနေကြောင်းမေးတတ်တဲ့သူငယ်ချင်းမျိုးဟာ လက်မလွှတ်သင့်တဲ့သူမျိုးဖြစ်ပါတယ်။ အကြံဉာဏ်ဆွေးနွေးတာတွေနှင့် တစ်ခြားအရာတွေတိုင်ပင်ချိန်မှာလည်း သေချာလေးပြောပြပြီးထောက်ခံပေးတတ်တဲ့သူမျိုးဖြစ်ပါတယ်။
အောင်မြင်မှုကျရှုံးမှုတွေကို အတူမျှဝေတတ်ပြီးတော့ ဘေးနားမှာအမြဲရှိနေပေးတတ်တဲ့သူတွေဖြစ်ပါတယ်။ ဒီလိုလူတွေဟာ ကိုယ့်ရဲ့အရာအားလုံးကိုလက်ခံပေးပြီးတော့ ကိုယ်နှင့်ထပ်တူပျော်ရွှင်ပေးတတ်ကြတဲ့သူတွေဖြစ်ပါတယ်။ အတူတူကြီးပြင်းသွားဖို့ဆန္ဒရှိပြီးတော့ ကောင်းမွန်တဲ့အရာတွေကိုမျှဝေချင်တဲ့သူတွေဖြစ်ပါတယ်။
Bong I.T