တစ်နာရီကို မိုင် ၄၀ ပြေးနိုင်တဲ့ ကမ္ဘာ့အရပ်အရှည်ဆုံးသစ်ကုလားအုတ်

Mesai သစ်ကုလားအုတ်တွေကို အရှေ့အာဖရိကမှာ စတင်တွေ့ရှိခဲ့ပြီး ကင်ညာအလယ်ပိုင်း နဲ့ တောင်ပိုင်း ၊ တန်ဇန်းနီးယားနိုင်ငံတို့မှာ တွေ့ရပါတယ်။ ဒီသစ်ကုလားအုတ်တွေဟာ ရှည်လျားတဲ့ လည်ပင်း ၊ ထူးခြားတဲ့နားရွက် ၊ အညို နဲ့ အဖြူ အချိုးကျကျ ရောစပ်ထားတဲ့ အကွက်‌နဲ့ ခန္ဓာကိုယ်အရေပြား တို့ကြောင့် နာမည်ကြီးပါတယ်။ ဒါ့အပြင် ကမ္ဘာပေါ်ကအရပ်အရှည်ဆုံး ကုန်းနေသတ္တဝါ ဖြစ်ပြီး သူတို့ရဲ့ လည်ပင်းဟာ ပျမ်းမျှ ၆ ပေ ဝန်းကျင်တောင် ရှည်ကြပါတယ်။ ခြေထောက်မှ ဦးခေါင်းထိပ်ထိ အရှည် ၁၈ ပေ အထိ ရှိကြပြီး အလေးချိန် ၁၃၀၀ ကီလိုဂရမ် ( ပေါင် ၂၉၀၀ ) လောက် လေးပါတယ်။

သူတို့ရဲ့ ရှည်လျားတဲ့ လည်တိုင်ကြောင့် အခြားတိရစ္ဆာန်တွေ လက်လှမ်းမမှီတဲ့ မြင့်မားတဲ့ သစ်ပင်က အရွက်တွေကိုပါ စားနိုင်ကြပါတယ်။ Mesai သစ်ကုလားအုတ်တို့ရဲ့ ဦးခေါင်းထိပ်မှာ ossicones လို့ခေါ်တဲ့ အရိုးနှစ်ခုပါရှိပြီး ဘေးပတ်ပတ်လည်မှာ ထူထပ်တဲ့ အနက်ရောင် အမွေးတို့နဲ့ ဖုံးအုပ်ထားပါတယ်။ ဒီ သစ်ကုလားအုတ်‌တွေဟာ တစ်နာရီကို ၆၄ ကီလိုမီတာ ( မိုင် ၄၀ ) နီးပါး အမြန်နှုန်းအထိ ပြေးနိုင်ကြပြီး အသက် ၃၀ နှစ် ဝန်းကျင် ရှင်သန်နိုင်ပါတယ်။ ကမ္ဘာ့ အရပ်အရှည်ဆုံး နဲ့ အကြီးဆုံး သစ်ကုလားအုတ်မျိုးစိတ်ဖြစ်တဲ့ Mesai သစ်ကုလားအုတ်တွေဟာ တစ်နေ့ကို ရေ ၁၀ ဂါလံ သောက်နိုင်ပြီး အပြေးမြန်တဲ့ သစ်ကုလားအုတ်မျိုးစိတ် တစ်ခုပဲ ဖြစ်ပါတယ်။

ထူးခြားချက်ကတော့ အရွယ်ရောက်ပြီးတဲ့ Mesai သစ်ကုလားအုတ်တွေဟာ မတ်တပ်ရပ်ပြီး အိပ်ကြပါတယ်။ ရှည်လျားတဲ့အရပ် ၊ ဂန္ဓဝင်ဆန်တဲ့ အရေပြားအကွက် ၊ ဦးခေါင်းထိပ်က အရိုးနှစ်ခုတို့ကြောင့် Mesai သစ်ကားအုတ်တွေဟာ လးတို့ရဲ့ စီးပွားရေးပစ်မှတ်တစ်ခု ဖြစ်ခဲ့ပြန်ပါတယ်။ စည်းကမ်းမဲ့ဖမ်းဆီးသတ်ဖြတ်မှုတွေကြောင့် Mesai သစ်ကုလားအုတ်အရေအတွက် များစွာ လျော့နည်းခဲ့ရပြီး IUCN ရဲ့ Red list ထဲမှာ ပါဝင်ခဲ့ပါတယ်။ မျိုးသုန်းမယ့် အန္တာရာယ်နဲ့ ရင်ဆိုင်နေရတဲ့ Mesai သစ်ကုလားအုတ်တွေဟာ စစ်တမ်းတွေအရ အကောင်ရေ ၃၅၀၀၀ သာ ကျန်ရှိတယ်လို့ ဆိုပါတယ်။