အသစ်ရှာဖွေတွေ့ထားတဲ့ လင်းနို့မျိုးစိတ်သစ်နှစ်မျိုး

တောင်ပိုင်းနှင့် အလယ်ပိုင်းဒေသမှာရှိတဲ့ သစ်တောအုပ်တွေအတွင်းမှာ အရင်ကမှတ်တမ်းတွေထဲမပါဝင်တဲ့ လင်းနို့မျိုးစိတ်အသစ်နှစ်မျိုးကိုတွေ့ရှိမှတ်တမ်းတင်နိုင်ခဲ့ပါတယ်။ ဒီလင်းနို့မျိုးစိတ်တွေဟာ လျင်မြန်လွန်းပြီးလူကြောက်တတ်တာကြောင့် လက်ရှိအချိန်မှာတော့ နှစ်မျိုးပဲမှတ်တမ်းတင်ထားနိုင်ပါတယ်။ 

ပထမမျိုးစိတ်ကတော့ Cynomops freemani လို့ခေါ်ပြီးတော့ လင်းနို့တွေအကြောင်းကိုလေ့လာနေတဲ့ သိပ္ပံပညာရှင်တစ်ယောက်နာမည်ကိုအစွဲပြုပြီးပေးထားတာဖြစ်ပါတယ်။ ပနားမားတူးမြောင်းဒေသတစ်ဝိုက်မှာတွေ့ခဲ့တဲ့ ဒီလင်းနို့ငယ်လေးဟာ ၄ စင်တီမီတာအရွယ်အစားရှိပြီးတော့ နီညိုရောင်နှင့်အညိုရောင်တွေရှိပါတယ်။

ဒုတိယမျိုးစိတ်ကတော့ Cynomops tonkigui လို့ခေါ်ပြီးတော့ အီကွေဒေါနှင့် ကိုလံဘီယာအရှေ့ဖက်ကတောအုပ်တွေမှာတွေ့ရပါတယ်။ ဒီလင်းနို့မျိုးစိတ်ဟာလည်း အရွယ်အစားအတူတူပဲဖြစ်ပြီးတော့ အရောင်ကတော့ သစ်ကြံ့ပိုးခေါက်ရောင်ရှိနေတာများပါတယ်။ ဒီမျိုးစိတ်အသစ်တွေကို အသံပိုင်းဆိုင်ရာမျိုးရိုးဗီဇစစ်ဆေးမှုတွေကနေရှာတွေ့ခဲ့တာဖြစ်ပါတယ်။