အမဲရောင်သဲများကိုပိုင်ဆိုင်ထားသော အီဂျစ်မှကန္တာရကြီး

အီဂျစ်အနောက်ဘက် ၃၀ ကီလိုမီတာအကွာမှာရှိတဲ့ Black Desert ကျယ်ပြန့်သောတောင်ကုန်းများတည်ရှိရာနေရာတစ်ခုပဲဖြစ်ပါတယ်။ ထိုနေရာဟာထူးခြားတဲ့သဲကန္တာရဒေသတစ်ခုဖြစ်ပြီး ၎င်းဒေသရှိသဲများမှာ အခြားသောကန္တာရမှ သဲများနဲ့မတူတဲ့အသွင်ကြောင့်ထင်ရှားလာခဲ့ရပါတယ်။ Black Desertဟူသောအမည်ဟာ၎င်းဒေသရှိတောင်များ၊ကုန်းမြင့်များနဲ့ သဲများကြောင့်ရရှိခဲ့ပြီး ဆန်းပြားသောမဟူရာရှုခင်းကြီးတစ်ခုဆိုလည်းမှားပါဘူး

Black Desert ရှိအချို့သောတောင်တန်းများနဲ့ကုန်းမြင့်များကို ဘေ့စ်ရွှံ့များဖြင့်ဖုံးအုပ်ထားပြီး မီးတောင်ပုံ သဏ္ဍာန်ရှိသောအနက်ရောင်တောင်ကုန်းများအဖြစ်ပေါ်လွင်လာစေခဲ့ပါတယ်။ ထိုတောင်တန်းများဟာ အများအားဖြင့် ၃၂၈ ပေကျော်မြင့်မားကာ အရွယ်အစား၊အမြင့် ဖွဲ့စည့်ပုံ ပုံသဏ္ဍာန်တို့ကွာခြားကြပါတယ်။ အချို့သောတောင်တန်းများဟာ iron ပါဝင်မှုမြင့်မားသောသလင်းကျောက်များနဲ့ မဲနက်ပြောင်လက်နေပြီး အချို့မှာတော့ ironမြင့်မားသောသဲကျောက်များဖြင့် နီရဲနေပါတယ်

ပညာရှင်များရဲ့ပြောကြားချက်များအရ အဆိုပါအမဲရောင် တောင်တန်းများနဲ့သဲသောင်ဟာလွန်ခဲ့သော    နှစ်သန်းပေါင်း ၁၈၀ ခန့်၊ Jurassic ကာလအတွင်းဖြစ်ပေါ်ခဲ့သောမီးတောင်ပေါက်ကွဲမှုဖြစ်စဉ်များကြောင့် ဖြစ်ကြောင်းသုံးသပ်ထားပါတယ်။ သုတေသီများကမူ အဆိုပါ Black Desert မှာကျောက်ဖြစ်ရုပ်ကြွင်းများ၊ အပင်ရုပ်ကြွင်းများတွေ့ရှိခဲ့ရကြောင်းမှတ်တမ်းတင်ထားပြီး တစ်ချိန်ကအပင်မျာစွာ ရှင်သန်းရာနေရာဖြစ်နိုင်ကြောင်းဆိုထားကြပါတယ်။ ထို့အပြင် ၎င်းကန္တာရဒေသအတွင်းတွင် ကြီးမားသောဒိုင်နိုဆောအရိုးစုကိုရှာဖွေတွေ့ရှိခဲ့သည့်နောက်ပိုင်းမှစကာ သဘာဝဘေးမဲ့တောအဖြစ်သတ်မှတ်ခဲ့ကြကြောင်းလည်းသိရပါတယ်