မြန်မာနိုင်ငံမှ ရခိုင်ရိုးရာ ကျင်ကိုင်ပွဲတော်အကြောင်း

//s9.kh1.co/25/255b2beea718d7a0dcfabeceb6539330665fd5d9.jpg
ဗဟုသုတအဖြာဖြာ

 ၂၁-ဖေ-၂၀၂၄ ၁pm · လွန်ခဲ့သော ၂ လ က

ရခိုင်လူမျိုးတို့၏ လက်ဆင့်ကမ်းရိုးရာ ပွဲတော်

ဘီစီ ၆ ရာစု မြောက်ဉီးခေတ်ကပင် စတင်ဖြစ်တည်လာသော ရိုးရာပွဲတော်ဖြစ်သည်။ ကျင်၏ အဓိပ္ပာယ်ကား “ကျားနှင့်ယင်” စကားလုံးနှစ်လုံးပေါင်းစပ်ထားခြင်းဖြစ်၏။ ကျားဟူသည်ကား ရဲရင့်၏ ၊ ယင်ဟူသည်ကား မြန်၏ ။ ထို့ကြောင့် “လျင်မြန်သောကျား” ဟု အဓိပ္ပာယ်ရကာ ရခိုင်စကားအရ ကျင်ဟုသာ သုံးနှုန်းခေါ်ဆိုကြသည်။ 

https://s9.kh1.co/__image/w=650,h=434,q=100/44/448da831762ed5758b529234c49dbec99a730130.jpg

ကျင်ကိုင်ပွဲတွင် ပါဝင်လိုသူများသည် လူတိုင်းပါဝင်နိုင်သည်မဟုတ်၊ ရွှေမောင်း ၊ ငွေမောင်းဟု အမျိုးအစားခွဲကာ ခန္ဓာကိုယ်အချိုးအစား၊ ကြံ့ခိုင်မှုတို့စီစစ်ပြီးမှသာ ယှဉ်ပြိုင်နိုင်သည်။ ကျင်ကိုင်ပွဲ ယှဉ်ပြိုင်ခြင်းသည် ရဲစွမ်းသတ္တိပိုတိုးစေကာ ကြောက်ရွံ့စိတ်များကင်းဝေးစေသည်။ နှစ်ဉီးနှစ်ဖက်လုံး တစ်ပြိုင်နက် သူပြိုင်ကိုယ်ပြိုင် တိုက်ခိုက်ရသည်မဟုတ်ဘဲ ခုခံကာကွယ်သူနှင့် ဖမ်းဆီးသူဟူ၍ ဒိုင်လူကြီးမှ  ခေါင်းပန်းလှန်ကာ ရွေးချယ်ဆုံးဖြတ် ပြိုင်ဆိုင်စေသည်။ 

https://s9.kh1.co/__image/w=650,h=366,q=100/d5/d5a1d8058439cfa39b8d0198ecb45bff5fe603ab.jpg

ဂျူဒို၊ ကရာတေးအားကစားများကဲ့သို့ အထိနာစေရန် ပြင်းပြင်းထန်ထန် တိုက်ခိုက်ရသည်မဟုတ်ပါ။ ခြေထောက်နှင့် လက်ကို အဓိကအသုံးပြုကာ မြေပြင်ပေါ်သို့ အရင်လဲကျအောင်ပြုလုပ်ခြင်း၊ ခုခံကာကွယ်သူက ဖမ်းသူ၏ တိုက်ခိုက်မှုကို ခုခံနိုင်ခြင်း အစရှိသည့် အချက်များနှင့်သာ အနိုင်၊ အရှုံး ဆုံးဖြတ်ပေးခြင်းဖြစ်သည်။အမျိုးသားရေး လက္ခဏာကို အဓိကဖော်ဆောင်သည့် အားကစားရိုးရာ ကျင်ကိုင်ပွဲသည် ရခိုင်လူမျိုးတို့၏ တန်ဖိုးထား လက်ဆင့်ကမ်းသည့် ရိုးရာအမွေအနှစ် တစ်ခုဖြစ်ပါသည်။ 

https://s9.kh1.co/__image/w=650,h=366,q=100/d5/d5ec26837d42e219c61a0d029b3334c376e82f86.jpg
Heather
Ei Me Me Lwin

ဆက်စပ်သတင်း

မူပိုင်ခွင့် Mediaload
Powered by Bong I.T Bong I.T