၁၉၆၀ ခုနှစ်မှာရှာဖွေတွေ့ရှိခဲ့တဲ့ Krubera ဂူဟာ၎င်းရဲ့ထူးခြားတဲ့အနက်ကြောင့်ထင်ရှားပါတယ်။ ၎င်းဂူကြီးဟာ ၂၁၀၀ မီတာကျော်အထိနက်ရှိုင်းကာကမ္ဘာပေါ်မှာဒုတိယအနက်ရှိုင်းဆုံးဂူကြီးတစ်ဂူလည်းဖြစ်ပါတယ်။ဂူကြီးရဲ့ အပေါက်မှာကျီးကန်းများစွာအသိုက်ပြုလုပ်ရာနေရာဖြစ်ပြီး Voronja Cave ဟုသီးခြားအမည်ရှိကာ ရုရှားဘာသာအရ ကျီးကန်းဂူဟုအမည်ရကြောင်းလည်းသိရပါတယ်
ကမ္ဘာ့အနက်ရှိုင်းဆုံးဂူအဖြစ်လူသိများထင်ရှားတဲ့ ဒီဂူကြီးဟာဂျော်ဂျီယာနိုင်ငံ အနောက်ကော့ကေးဆပ်ဒေသရှိ အကြီးဆုံးထုံးကျောက်ထုထည်တစ်ခုလည်းဖြစ်ပါတယ်။လွန်ခဲ့သောနှစ်သန်းပေါင်း ၅ သန်းကျော်ခန့်မှစတင်ခဲ့တဲ့ လိုဏ်ဂူရာပေါင်းများစွာရှိပြီး မီတာ ၁၀၀၀ ထက်နက်သော ဂူ ၅ ဂူအထက်ရှိကာ Kruber Caveဟာမီတာ၂၀၀၀ ကျော်သောတစ်ခုတည်းသောဂူကြီးလည်းဖြစ်ပါတယ်။လေ့လာသူတို့ရဲ့တွေ့ရှိဖော်ပြချက်များအရ ဂူကြီးရဲ့ အောက်ခြေမျာ ဂူငယ် ၈ ခုရှိနေပြီး ရေသံများကြားရကာရေလွမ်းမိုးနေသောနေရာများရှိနိုင်ကြောင်းသိရပါတယ်
လေ့လာသူတို့ရဲ့ပြောကြားချက်များအရ ဂူစနစ်အစိတ်အပိုင်းများဟာလမ်းကြောင်းများစွာဖြင့်ချိတ်ဆက်ထားပြီး ဒေါင်လိုက်ရေတွင်းများလည်းပါနေကြောင်းဆိုထားပါတယ်။ကမ္ဘာ့ဒုတိယအနက်ရှိုင်းဆုံးဖြစ်တဲ့ဒီဂူကြီးကို ၁၉၆၀ ပြည့်လွန်နှစ်များမှာစူးစမ်းရှာဖွေမှုများပြုလုပ်ခဲ့သော ဆိုဗီယက်ပညာရှင်များက ရုရှားပထဝီဝင်ပညာရှင် Alexander Kruber ကို ဂုဏ်ပြုသောအားဖြင့် Kruber Cave ဟုအမည်ပေးခဲ့ကြောင်းသိရပါတယ်။ထူးခြားတဲ့ဒီဂူကြီးဟာယခုအချိန်မှာနိုင်ငံတကာမှလေ့လာသူများအကြားရေပန်းစားရာနေရာတစ်ခုဖြစ်လာပြီးလာရောက်လေ့လာသူများပြားလာခဲ့ပါတယ်
Bong I.T