ဆက်ဆံရေးကောင်းတစ်ခုကိုပိုင်ဆိုင်နိုင်ဖို့ဆိုရင် နှစ်ဖက်လုံးဟာ အပြန်အလှန်နားလည်မှုရှိပြီးတော့ ဒီလိုဆက်ဆံရေးကောင်းတစ်ခုကိုပိုင်ဆိုင်ချင်စိတ်ရှိနေကြဖို့လိုအပ်ပါတယ်။ စိတ်ပိုင်းဆိုင်ရာအရ နက်ရှိုင်းတဲ့ဆက်နွယ်မှုတွေရှိသင့်တဲ့အပြင် တစ်ယောက်ကိုတစ်ယောက်အချိန်ပေးဂရုစိုက်တာတွေကလည်း လိုအပ်တဲ့အရာပါ။ အချင်းချင်းကြားမှာ သတ်မှတ်ချက်တွေရှိပြီးတော့ ထိန်းချုပ်ထားတဲ့စည်းမျဥ်းတွေမရှိသင့်ပါဘူး။
ဆက်ဆံရေးကောင်းဖို့လိုအပ်တယ်ဆိုပေမဲ့ အပြင်လူတွေဖြစ်တဲ့ သူငယ်ချင်း မိသားစုဝင်တွေနှင့်ဆက်ဆံရေးကိုလည်းတိုးတက်အောင်လုပ်သင့်ပါတယ်။ ပြင်ပဆက်ဆံရေးတွေရှိမှသာ ဆက်ဆံရေးမှာပြဿနာကြုံလာတဲ့အခါအလွယ်တကူဖြေရှင်းနိုင်မှာပါ။ ရိုးသားမှုနှင့်ပွင့်လင်းမှုရှိပြီးတော့ ခိုင်မာတဲ့ယုံကြည်မှုဟာဆက်ဆံရေးကောင်းတစ်ခုရဲ့အုတ်မြစ်တစ်ခုပါပဲ။
ပြဿနာတွေကို နှစ်ယောက်သားတိုင်ပင်ဖြေရှင်းပြီးတော့ အမှားလုပ်မိရင်ခွင့်လွှတ်တတ်ဖို့နှင့်တောင်းပန်တတ်ဖို့လည်းလိုအပ်ပါတယ်။ နောက်ဆုံးအချက်အနေနှင့် ကိုယ့်ကိုယ်ကိုယ်ချစ်တတ်ဖို့လည်းလိုအပ်ပါတယ်။ တစ်ဖက်လူကိုလေးစားမှုပေးပြီး ကောင်းမွန်တဲ့ဆက်ဆံရေးတစ်ခုတည်ဆောက်ချင်တယ်ဆိုရင် ကိုယ့်ကိုယ်ကိုယ်ချစ်တတ်ဖို့ကအရေးကြီးတဲ့အချက်ဖြစ်ပါတယ်။
Bong I.T