တောဘုရားလို့ သိကြတဲ့ ခြင်္သေ့တွေရဲ့ ဟိန်းသံဟာ အလွန်အားကောင်းပြီး ကျယ်လောင်လွန်းတာကြောင့် အနည်းဆုံး ၃ မိုင်ကနေ ၅ မိုင်အထိ ကြားရတယ်လို့ ဆိုကြပါတယ်။
ဒါပေမယ့် ခြင်္သေ့တစ်ကောင်ရဲ့ ဟိန်းသံ အကွာအဝေးဟာ သူတို့နေထိုင်တဲ့ ပတ်ဝန်းကျင်နှင့် အခြားအချက်ပေါ်မူတည်ပြီး ကြားနိုင်တဲ့ အကွာအဝေးဟာ ကွဲပြားသွားနိုင်ပါတယ်။
ဆိုလိုတာက သူတို့နေထိုင်တဲ့နေရာ ဒေသတွေမှာ မြေမျက်နှာသွင်ပြင်၊ လေထုအခြေအနေ၊ ထူထပ်တဲ့ သစ်ပင်များကဲ့သို့ အတားအဆီးများရှိမရှိ၊ အသံကို ကွယ်စေတဲ့ အတားအဆီးများပေါ်မှာ မူတည်နိုင်ပါတယ်။ သစ်ပင်တွေလည်း မရှိ ၊ ဘာအတားအဆီးမှမရှိဘဲ ရှင်းလင်းပြတ်သားတဲ့ အာဖရိက ဆာဗားနားလိုနေရာမျိုးတွေဆိုရင် သူတို့ရဲ့ အသံကို အနည်းဆုံး ၃ မိုင်လောက်ကနေ ကြားရနိုင်တာ ဖြစ်ပါတယ်။
Bong I.T