ပီရူးနိုင်ငံ မြို့တော် လီမာမှာ အရွယ်ရောက်ပြီးသူလို့ ယူဆရတဲ့ နှစ် ၁၀၀၀ သက်တမ်းရှိ မမ်မီရုပ်အလောင်းတစ်လောင်းကို ရှေးဟောင်းသုတေသန ပညာရှင်များက ရှာဖွေတွေ့ရှိခဲ့ပါတယ်။
အဆိုပါ မမ်မီရုပ်အလောင်းနဲ့အတူ ရှေးဟောင်း ကြွေထည်အိုးတွေအပြင် အထည်အလိပ်နှစ်ခုပါ တွေ့ရှိခဲ့တယ်လို့ ဆိုပါတယ်။ ပညာရှင်တွေ ရှာဖွေတွေ့ရှိတဲ့ အချိန်မှာ မမ်မီရုပ်အလောင်းကို ကွေးနေတဲ့ အနေအထားဖြင့် မြုပ်နှံထားတာတွေ့ရပြီး သူ့ရဲ့ဆံပင်တွေက ယခုအချိန်ထိ မပျက်စီးသေးပဲရှိနေသေးပါတယ်။
ပညာရှိများကတော့ ဒီမမ်မီရုပ်အလောင်းဟာ လီမာတောင်ဘက်မှာ နေထိုင်ကြတဲ့ Yschsma မျိုးနွယ်စုဖြစ်နိုင်ပြီး ခန့်မှန်းခြေ နှစ် ၁၀၀၀ လောက်ရှိမယ်လို့ ယူဆခဲ့ကြပါတယ်။ ဒါ့အပြင် ဒီရုပ်အလောင်းဟာ ယခုနှစ် ပီးရူးမှာ တွေ့ရှိခဲ့တဲ့ ရှေးဟောင်းရုပ်ကြွင်းများမှာ နောက်ဆုံးတွေ့ရှိဖြစ်မယ်လို့ ခန့်မှန်းထားကြပါတယ်။ ပြီးခဲ့တဲ့ ဇွန်လတုန်းကလည်း ပီရူးနိုင်ငံရဲ့ တောင်ထိပ်တစ်နေရာမှာ အရွက်တွေနဲ့ ဖုံးအုပ်ထားတဲ့ မမ်မီရုပ်အလောင်းတစ်ခုကိုလည်း ရှာဖွေတွေ့ရှိခဲ့ပါသေးတယ်။
သတင်း အရင်းအမြစ်៖ Source - ABC
Bong I.T