သာမန်ပုရစ်တွေနဲ့မတူဘဲ ကြီးမားပြီးလေးလံတဲ့ ဝီတာပုရစ်တွေကို ကမ္ဘာ့အလေးဆုံးအင်းဆက်တွေအဖြစ် သတ်မှတ်ကြပါတယ်။ အဆိုပါပုရစ်တွေကို နယူးဇီလန်နိုင်ငံမှာ တွေ့ရတတ်ပြီး ကြွက်နှင့်ဖြူကောင်တွေရဲ့ အမဲလိုက်ခံရမှုကြောင့် မျိုးတုန်းမယ့်အန္တရာယ်နဲ့ရင်ဆိုင်ခဲ့ရကာ သုတေသီတွေ ဂရုတစိုက်ထိန်းသိမ်းရတဲ့ အင်းဆက်မျိုးစိတ်ဝင်တွေဖြစ်ပါတယ်။
အရှည် ၇၀ မီလီမီတာဝန်းကျင်ရှိပြီး အလေးချိန် ၂၇ ဂရမ်ရှိတဲ့ ဝီတာတွေဟာ နယူးဇီလန်နိုင်ငံရဲ့ အကြီးဆုံးအင်းဆက်မျိုးစိတ်တွေလည်း ဖြစ်ပါတယ်။ သူတို့ဟာ ကမ္ဘာ့တောင်ဘက်ခြမ်းမှာပျံ့နှံ့နေတဲ့ Anostostomatida မိသားစုဝင်တွေဖြစ်ပါတယ်။ ဝီတာတွေဟာ အခြားပုရစ်တွေလိုပဲ ညဖက်မှာသာအစာရှာထွက်ကြပြီး နေ့ဖက်မှာရန်သူတွေလက်ကလွတ်ကင်းအောင် သစ်တုံးသစ်ခက်တွေကြားမှာ ပုန်းအောင်းနေတတ်ကြပါတယ်။
ဝီတာတွေရဲ့ပျမ်းမျှသက်တမ်းက (၂) နှစ်သာရှိပြီး အဆိုပါသက်တမ်းအတွင်းမှာ ဥ (၂၀၀) လောက်ထိ ဥနိုင်ပါတယ်။ ဝီတာထီးတွေဟာ အမတွေနဲ့မိတ်လိုက်ဖို့အတွက် တစ်ညကို မီတာ ၂၅၀ ကျော် သွားလာကြပါတယ်။ ဝီတာတွေရဲ့ထူးခြားချက်ကတော့ သူတို့ဟာအရွယ်မရောက်မီ (၉) ကြိမ်အထိ အရေခွံကိုခြွေပြီး ပြောင်းလဲကြပါတယ်။
Bong I.T