အင်းဆက်ဆိုတာ ကျောရိုးမရှိတဲ့သတ္တဝါတွေဖြစ်ပြီး ခြေထောက်သုံးစုံ၊ အဓိကအစိတ်အပိုင်း သုံးခု ( ဦးခေါင်း၊ ရင်ဘတ်၊ ဝမ်းဗိုက် ) နှင့် အပြင်ဖက်မှာ ကြမ်းတမ်းတဲ့အဖုံးကဲ့သို့ အခွံတွေပါဝင်တဲ့ သေးငယ်တဲ့တိရိစ္ဆာန်တွေဖြစ်ပါတယ်။ အင်းဆက်အများစုမှာ တောင်ပံတစ်စုံ (သို့) နှစ်စုံ နှင့် အင်တာနာတစ်စုံစီရှိပါတယ်။
ကမ္ဘာပေါ်မှာ လူသိများတဲ့အင်းဆက်မျိုးစိတ်ပေါင်း ၉၀၀၀၀၀ ကျော်ရှိပြီး ပိုးမွှားတွေကိုလေ့လာတဲ့ သိပ္ပံပညာရှင်တွေက လူတွေမသိသေး၊ မတွေ့နိုင်သေးတဲ့ အင်းဆက်ပေါင်း (၁၀) သန်းထိရှိနိုင်တယ်လို့ ခန့်မှန်းထားကြပါတယ်။ အင်းဆက်တွေဟာ နေရာတိုင်းမှာရှိနေပါတယ်။ တစ်ကမ္ဘာလုံးမှာရှိတဲ့ ပျမ်းမျှစတုန်းရန်းတစ်မိုင်မှာ အင်းဆက်တွေဟာ လူသားတွေထက် အရေအတွက် သိသိသာသာပိုများနေတာကို တွေ့ရမှာပါ။
အင်းဆက်တွေကို အုပ်စုပေါင်း (၃၂) ခုခွဲခြားထားပါတယ်။ အကြီးဆုံးအုပ်စုက ပိတုန်းကောင်အုပ်စုဝင်တွေဖြစ်ပြီး မိသားစုဝင်ပေါင်း ၁၂၅ ခုနှင့် မတူညီတဲ့မျိုးစိတ်ပေါင်း ၅၀၀၀၀၀ ကျော်ရှိပါတယ်။ တစ်ကယ်တော့ ကမ္ဘာပေါ်က ပျမ်းမျှတိရိစ္ဆာန်လေးကောင်မှာ တစ်ကောင်က Beetle ခေါ် ပိတုန်းကောင်အုပ်စုဝင်တွေဖြစ်ပါတယ်။ အမေရိကန်ပြည်ထောင်စုတစ်ခုတည်းမှာတင် သိပ္ပံပညာရှင်တွေ တွေ့ရှိပြီး အင်းဆက်ပေါင်း ၇၃၀၀၀ ခန့်ရှိပါတယ်။
Bong I.T