Wales မှာရှိတဲ့ ရောမအိမ်ကြီးအနီး သီးခြားမြေကွက်တစ်ခုမှာ ရှေးဟောင်းသုတေသနပညာရှင်တွေဟာ အရိုးစုတစ်ခုကို ရှာဖွေတွေ့ရှိခဲ့ကြပါတယ်။ ငွေရောင်တွယ်ချိတ်နဲ့အတူ ဓားတစ်ချောင်းကိုလည်း တွေ့ရှိခဲ့ကြပြီး ရောမစစ်သားတစ်ယောက်ဖြစ်မယ်လို့ မှတ်ယူထားကြပါတယ်။
လည်ပင်း၊ နောက်ကျောနှင့် ခြေထောက်မှာရှိတဲ့ လက်သည်းကြီးတွေက သူသေဆုံးချိန်မှာ ချုပ်နှောင်ခံထားရကြောင်း တုန်လှုပ်ဖွယ်သက်သေအဖြစ် ဖော်ပြနေပါတယ်။ ယခုတွေ့ရှိမှုအပြင် Wales တောင်ပိုင်းမှာရှိတဲ့ အခြားသင်္ချိုင်းမြေတွေကိုလည်း ယူကေအခြေစိုက်ရှေးဟောင်း သုတေသနအဖွဲ့တစ်ခုက ရှာဖွေတွေ့ရှိခဲ့တာ ဖြစ်ပါတယ်။ သုတေသီတွေက ယခုတွေ့ရှိမှုဟာ လွန်ခဲ့တဲ့နှစ်ပေါင်း ၅၀ ခန့်ကတွေ့ခဲ့တဲ့ Whitton Lodge Roman Villa နဲ့ ဆက်စပ်မှုရှိမယ်လို့ ယူဆထားကြပါတယ်။
သုတေသီတွေရဲ့ပြောကြားချက်အရ သေဆုံသူဟာ အသက် ၂၀-၂၅ နှစ်အတွင်းရှိမယ်လို့ သိရပြီး သစ်သားပျဥ်တွေနဲ့ပြုလုပ်ထားတဲ့ အုတ်ဂူမှာ သဂြိုလ်ထားတာဖြစ်ပါတယ်။ သံဓား၊ ဘွတ်ဖိနပ်၊ ငွေရောင်တံညှပ်ပုံရင်ထိုး စတဲ့အချက်တွေကြောင့် သူဟာရောမအထက်တန်းစားစစ်သားတစ်ယောက်ဖြစ်ကြောင်း ဖော်ပြနေပါတယ်။ ဒီလိုအထက်တန်းစားစစ်သားဟာ ချုပ်နှောင်ပြီး အသတ်ခံရခဲ့တာဖြစ်ပါတယ်။
Bong I.T