သစ်ရွက်တွေနဲ့ဆင်တူပြီး အပင်တွေပေါ်မှာအများဆုံးတွေ့ရတတ်တဲ့ ရှိခိုးကောင်တွေကို မြန်မာပြည်နေရာအနှံ့၊ အထူးသဖြင့် တောတောင်ထူထပ်တဲ့ တောင်ပေါ်ဒေသတွေမှာ အများဆုံးတွေ့နိုင်ပါတယ်။ ဒီလိုရှိခိုးကောင်တွေဟာ မျိုးတူချင်းစားသုံးတတ်တဲ့ ထူးထူးခြားခြားတိရိစ္ဆာန်တွေထဲက တစ်မျိုးဖြစ်ပါတယ်။
ရှိခိုးကောင်အမတွေဟာ အထီးတွေထက် အရွယ်အစားပိုကြီးပြီး သန်မာတဲ့အတွက် သားကောင်တွေကို ရှာဖွေရလွယ်ကူပါတယ်။ အထီးတွေကိုဆွဲဆောင်နိုင်ဖို့အတွက် အမတွေမှာ pheromone လို့ခေါ်တဲ့ ဓာတုအချက်ပြမှုတစ်ခုပါရှိပါတယ်။ အခုလိုဆွဲဆောင်ပြီး မိတ်လိုက်နေစဥ်အတွင်းမှာ အမတွေဟာ အထီးတွေကိုတိုက်ခိုက်တတ်ကြပါတယ်။ အထီးတွေရဲ့ခေါင်းကပြတ်နေရင်တောင် ဝမ်းဗိုက်မှာရှိတဲ့အာရုံကြောတွေက ခန္ဓာကိုယ်ကိုထိန်းချုပ်နိုင်တဲ့အတွက် အမတွေနဲ့ဆက်ပြီးမိတ်လိုက်နိုင်ပါတယ်။
ရှိခိုးကောင်တွေဟာ တစ်ကြိမ်မျိုးပွားရင် ဥပေါင်း (၁၀၀) နီးပါးရှိတဲ့အတွက် သားပေါက်တွေစွမ်းအင်လုံလုံလောက်လောက်ရရှိနိုင်အောင် အထီးတွေကိုတိုက်ခိုက်ပြီး စားသုံးစေကြတာဖြစ်ပါတယ်။ အချို့ရှိခိုးကောင်တွေဟာ မိတ်မလိုက်ဘဲ မျိုးပွားနိုင်တဲ့အတွက် အထီးတွေကိုတိုက်ခိုက်ပြီးစားသုံးတဲ့ဖြစ်စဥ်ဟာ ပိုမိုအားကောင်းလာတာတွေ့ရပါတယ်။
Bong I.T