မိန်းကလေးအများစုဟာအိမ်ထောင်ဖက် ဒါမှမဟုတ် ချစ်သူရွေးချယ်ကြတဲ့အခါ စံနှုန်းသတ်မှတ်ချက်တွေမတူညီတာတွေအများကြီးရှိတတ်ပေမဲ့ သူတို့မုန်းတီးတဲ့ အပြုအမူတွေကတော့ ယေဘုယျအားဖြင့်တူညီကြပါတယ်။  

ဆေးလိပ်သောက်လွန်းတဲ့သူ ဒါမှမဟုတ် အရက်သေစာတွေကိုအလွန်အကျွံသောက်သုံးတဲ့အလေ့အကျင့်ရှိသူတွေဟာ မိန်းကလေးတွေရဲ့အမြင်မှာ ပေါ့ပြက်ပြက်ပုံပေါ်နေမှာဖြစ်ပါတယ်။ ပြီးတော့ မိန်းကလေးတွေအနေနှင့် ဒီလိုပါတနာရှိရင် နောက်ဆက်တွဲရလာနိုင်တဲ့ပြဿနာနှင့်စိတ်ဆင်းရဲမှုတွေကိုပါ ကြိုတင်သိနေကြတာကြောင့် ဒီလိုအပြုအမူရှိတဲ့ယောကျာ်းလေးတွေကိုဆိုဝေးဝေးရှောင်ကြလေ့ရှိပါတယ်။

တစ်ကိုယ်ကောင်းဆန်ပြီး စာနာထောက်ထားတတ်တဲ့စိတ်မရှိတဲ့ယောကျာ်းလေးတွေကလည်း မိန်းကလေးတွေမုန်းတီးတဲ့သူတွေပဲဖြစ်ပါတယ်။ ကိုယ့်ကိုယ်ကိုယ်ယုံကြည်မှုမရှိဘဲ အမြဲတမ်းသိမ်ငယ်အားငယ်နေတတ်တဲ့အကျင့်မျိုးကလည်း မိန်းကလေးတွေတစ်ကယ်မုန်းတီးကြတဲ့အကျင့်ဖြစ်ပါတယ်။ ပြီးတော့ တစ်ဖက်ပါတနာကိုအလျှော့ပေးတာ လိုက်ညှိပေးတာလိုမျိုးမလုပ်ဘဲ တစ်ယောက်ထဲအကုန်စီစဥ်တတ်တဲ့အကျင့်ကလည်း မိန်းကလေးအများစုမကြိုက်တဲ့အပြုအမူပဲဖြစ်ပါတယ်။

ဆုံးဖြတ်ချက်မပြတ်သားတာ အမြဲတမ်းဝေဝါးနေတတ်ပြီး ကြိုးစားလိုစိတ်မရှိတဲ့ အပြုအမူကလည်းပဲ မကောင်းတဲ့အရာပဲဖြစ်ပါတယ်။ အလုပ်အကိုင်နှင့်မဆိုင်ဘဲ ကြိုးစားလိုစိတ်လုံးလုံးမရှိတဲ့အပြင် အမြဲတမ်းသူများကိုပဲအားကိုးတတ်တဲ့အကျင့်တွေဟာ မိန်းကလေးတွေအမုန်းဆုံးအကျင့်တစ်ခုပဲဖြစ်ပါတယ်။ ပြီးတော့ အရေးကြီးတဲ့အပြုအမူတစ်ခုကတော့ သန့်ရှင်းသပ်ရပ်ခြင်းပါပဲ။ မိန်းကလေးတွေဟာ ပထမဆုံးအမြင်နှင့်အကဲဖြတ်တတ်ကြတာကြောင့် အသွင်အပြင်နှင့် ဝတ်စားဆင်ယင်မှုတွေဟာ ယောကျာ်းလေးတစ်ယောက်အတွက်အရေးကြီးတဲ့အပြုအမူပဲဖြစ်ပါတယ်။

သတင်း အရင်းအမြစ်៖ www.lovepanky.com