သီချင်းနားထောင်ခြင်းကနေ သင်ရရှိနိုင်တဲ့အကျိုးကျေးဇူး (၇) မျိုး

(၁) ပိုပျော်ရွှင်စေတယ်။

သီချင်းနားထောင်ခြင်းက ဦးနှောက်ထဲက ပျော်ရွှင်ခြင်းဟော်မုန်းတွေကိုပိုပြီးလှုံ့ဆော်ပေးတတ်တာကြောင့် ကိုယ်ကြိုက်တဲ့သီချင်း ဒါမှမဟုတ် သဘောကျတဲ့တေးသွားတွေကိုကြားလိုက်ရင်ပိုပြီးပျော်ရွှင်လာစေပါတယ်။

(၂) စိတ်ဖိစီးမှုနှင့် ကျန်းမာရေးကိုကူညီပေးတယ်။

စိတ်ဖိစီးမှု နှင့်စိတ်ညစ်တာတွေကို သီချင်းနားထောင်ခြင်းက အကောင်းဆုံးကုစားပေးနိုင်ပါတယ်။ စိတ်ထဲမှာနာကျင်နေရတာတွေကို သက်သာစေတဲ့အပြင် စိတ်ဖိစီးမှုကိုလျော့ပါးစေတတ်ပါတယ်။

(၃) စွမ်းဆောင်နိုင်စွမ်းကိုတိုးတက်စေတယ်။

လေ့လာချက်တွေအရ သီချင်းနားထောင်ရင်းအလုပ်လုပ်လေ့ရှိသူတွေဟာ သာမာန်လူတွေထက်ပိုပြီးဉာဏ်ရွှင်ကြတဲ့အပြင် ပိုပြီးလည်းမြန်မြန်ဆန်ဆန်ပြီးမြောက်တတ်ကြပါတယ်။ လူအမျိုးအစားအလိုက် ကွာခြားနေနိုင်ပေမဲ့ ဂီတက လူသားတွေကိုကြီးမားတဲ့လှုံ့ဆော်မှုပေးတာကတော့ အမှန်ပဲဖြစ်ပါတယ်။

(၄) စိတ်ကျရောဂါကိုကုစားပေးနိုင်တယ်။

အခုဆိုရင် စိတ်ကျရောဂါကိုကုသတဲ့ဆေးခန်းတစ်ချို့မှာ ဂီတကိုဆေးဝါးတစ်ခုအဖြစ်အသုံးပြုနေကြပြီပဲဖြစ်ပါတယ်။ မတူညီတဲ့ဂီတအမျိုးအစားတွေနှင့် မတူညီတဲ့စိတ်ဒဏ်ရာတွေကိုကုစားပေးနိုင်ပါတယ်။

(၅) လေ့လာမှုနှင့်မှတ်ဉာဏ်ကိုအထောက်အကူဖြစ်စေတယ်။ 

ဂီတနားထောင်ခြင်းက ဦးနှောက်ကိုလှုံ့ဆော်ပေးတာကြောင့် သင်ယူမှုနှင့်မှတ်ဉာဏ်ကိုပိုပြီးကောင်းမွန်စေပါတယ်။ တစ်ချို့သူတွေဟာ စာလေ့လာနေရင် သီချင်းဖွင့်ထားပြီးလေ့လာရင် ပိုပြီးတော့မှတ်မိလွယ်တတ်ကြတာမျိုးရှိပါတယ်။

(၆) စကားပြောစွမ်းရည်ကိုတိုးတက်လာစေတယ်။

ကလေးငယ်တွေကိုစောင့်ကြည့်ပြီးလေ့လာထားချက်တွေအရ ဂီတသံတွေကြားနေကျဖြစ်တဲ့ကလေးတွေဟာ သာမာန်ကလေးတွေထက်ပိုပြီးမြန်မြန်စကားပြောကြသလို စကားလုံးအသစ်တွေကိုလည်းအလွယ်တကူမှတ်မိနိုင်ကြပါတယ်။ 

(၇) အိပ်ပျော်စေဖို့ကူညီပေးတယ်။ 

သီချင်းနားထောင်ရင်းအိပ်တာဟာ အိပ်မပျော်တဲ့ရောဂါကိုကြုံနေရတဲ့သူတွေအတွက် အကောင်းဆုံးကုသမှုတစ်ခုဖြစ်ပါတယ်။ အိပ်ခါနီး ငြိမ့်ညောင်းတဲ့သံစဥ်တွေနားထောင်ပေးခြင်းက တစ်ညလုံးအိပ်ပျော်အောင်နှင့် အိမ်မက်ဆိုးတွေမက်ခြင်းကိုတားဆီးပေးနိုင်ပါတယ်။ 

သတင်း အရင်းအမြစ်៖ www.kent.com