မကြာသေးခင်ကလေ့လာချက်တွေအရ တောဝက်တွေဟာ ကားအစီးရေ ၁.၁ မီလီယံနဲ့ညီမျှတဲ့ ကာဗွန်ဒိုင်အောက်ဆိုဒ်ကို ထုတ်ပေးနိုင်တယ်လို့ တွေ့ရှိထားကြပါတယ်။ ခေတ်မီဆန်းသစ်တဲ့နည်းပညာတွေနဲ့လေ့လာခဲ့ပြီး တောဝက်တွေဟာ တစ်နှစ်မှာ ကာဗွန်ဒိုင်အောက်ဆိုဒ်မက်ထရစ်တန်ချိန် ၄.၉ သန်းကျော်ထုတ်လွှတ်နိုင်ကြောင်း သိပ္ပံပညာအဖွဲ့တစ်ခုက ထုတ်ပြန်ထားပါတယ်။ 

တောဝက်တွေဟာ မျိုးပွားမှုနှုန်းလျင်မြန်တာကြောင့် နှစ်စဥ်အရေအတွက်တွေများပြားလာပါတယ်။ အရေအတွက်များပြားလာတဲ့အပြင် ကာဗွန်ဒိုင်အောက်ဆိုဒ်ထုတ်လွှတ်မှုတွေလည်း ပိုမိုများလာပါတယ်။ ဒီလိုထုတ်လွှတ်မှုဟာ သူတို့နေထိုင်ရာအနီးတစ်ဝိုက်မှာရှိတဲ့ အခြားတိရိစ္ဆာန်တွေအတွက် ခြိမ်းခြောက်မှုတစ်ခု ဖြစ်နေပါတယ်။ တောဝက်တွေကို အန္တာတိကတိုက်ကလွဲပြီး ကျန်တဲ့တိုက်ကြီးအားလုံးမှာတွေ့ရပေမယ့် အာရှ၊ ဥရောပနှင့် အာဖရိကတောင်ပိုင်းမှာ အများတွေ့ရတတ်ပါတယ်။ ဒါ့အပြင် တောဝက်တွေဟာ နေရာသစ်တွေမှာလည်း ထိုးဖောက်ဝင်ရောက်ကာ ကျက်စားနေကြပါတယ်။ 

တောဝက်တွေဟာ မြေဆီလွှာကိုဖောက်ထွင်းဝင်ရောက်ကာ အစာရှာတဲ့အခါ ကာဗွန်ဒိုင်အောက်ဆိုဒ်ကိုထုတ်ပေးပါတယ်။ သူတို့ဟာလယ်ထွန်စက်နဲ့ တူပါတယ်။ မှို၊ အပင်အစိတ်အပိုင်းနှင့် ကျောရိုးမဲ့သတ္တဝါတွေကို ရှာဖွေရာမှာ မြေဆီလွှာကိုဖောက်ထွင်းဖို့အတွက် သူတို့ရဲ့နှာခေါင်းကိုအသုံးပြုကြပါတယ်။ ဒီလိုမြေဆီလွှာတွေကို ဖောက်ထွင်းတဲ့အခါ အပင်အစိတ်အပိုင်းနှင့် မြေဆီလွှာတွေမှာပါဝင်တဲ့ အော်ဂဲနစ်ပစ္စည်းတွေက ကာဗွန်ဒိုင်အောက်ဆိုဒ်ကို ဖြစ်ပေါ်စေတာဖြစ်ပါတယ်။