နှစ်ယောက်သား ပျော်ရွှင်စရာအချိန်လေးတွေကို ဖြတ်သန်းနေကြတဲ့ Lee Sang Woo နဲ့ Kim So Yeon တို့ ဇနီးမောင်နှံ

မကြာသေးခင်က တောင်ကိုရီးယားမင်းသားချော Lee Sang Woo ဟာ ဇနီးဖြစ်သူ Kim So Yeon နဲ့ လမ်းလျှောက်ထွက်နေတဲ့ ပုံလေးတွေကို ဝေမျှခဲ့ပါတယ်။Lee Sang Woo က `` လမ်းလျှောက်ရတာ ကောင်းတဲ့နေ့ ´´ ဆိုတဲ့ ခေါင်းစဥ်နဲ့တင်ခဲ့တာဖြစ်ပြီး အလွန်ပျော်ရွှင်နေခဲ့တာကို မြင်ခဲ့ရပါတယ်။

ချစ်စရာဇနီးမောင်နှံနှစ်ယောက်ဟာ တောတောင်တွေကို နောက်ခံထားပြီး ပျော်ပျော်ရွှင်ရွှင် ဓာတ်ပုံရိုက်ခဲ့ကြပါတယ်။ဇနီးမောင်နှံယောက်လုံးရဲ့ မျက်နှာမှာ အပြုံးပန်းတွေဝေဆာခဲ့ပြီး တင်းတင်းကြပ်ကြပ်ပွေ့ဖက်ထားတာကို မြင်တွေ့ခဲ့ရပါတယ်။ပရိသတ်တွေဟာ သူတို့ ဇနီးမောင်နှံနှစ်ယောက်ကိုကြည့်ပြီး ကြည်နူးနေခဲ့ကြပါတယ်။

အထူးသဖြင့် Kim So Yeon ရဲ့ အပြုံးတွေကို ပိုသတိထားမိခဲ့ကြပြီး သဘာဝမျက်နှာလေးအတိုင်းတောင် ကြည့်ကောင်းနေခဲ့တာဖြစ်ပါတယ်။ပရိသတ်တွေက ဇနီးမောင်နှံနှစ်ယောက်က်ို ရုပ်ချင်းဆင်တယ်လို့ပါ ပြောရင်း ချစ်ပေးခဲ့ကြပါတယ်။

တောင်ကိုရီးယားရုပ်ရှင်လောကမှာ ဝါရင့်သရုပ်ဆောင်တွေဖြစ်ကြတဲ့ Lee Sang Woo နဲ့ Kim So Yeon တို့ဟာ ၂၀၁၇ ခုနှစ်မှာ လက်ထပ်ခဲ့ကြပြီး သာယာတဲ့မိသားစုဘဝလေးကို တည်ထောင်ထားနိုင်ခဲ့တာပဲ ဖြစ်ပါတယ်။Lee Sang Woo ဟာ ဖေဖော်ဝါရီလက ဒရမ်မာ Red Balloon ´ နဲ့ ပရိသတ်ရှေ့နောက်ဆုံးရောက်ခဲ့ပြီး Kim So Yeon ကတော့ Tale Of The Nile Tailed ´ နဲ့ ပရိသတ်တွေရဲ့ မျက်စိရှေ့မှာ ရှိနေဆဲ ဖြစ်ပါတယ်။

Source : Kbizoom

Photos : Credit