စာအုပ်ဖတ်ခြင်းကနေ ရရှိနိုင်တဲ့အကျိုးကျေးဇူးများ

အခုခေတ်မှာ ဆိုရှယ်မီဒီယာနှင့်အတူ တစ်ခြားသောခေတ်မှီနည်းပညာတွေ၊ ဖျော်ဖြေမှုတွေအများကြီးပေါ်ပေါက်လာပါတယ်။ ဒီလိုပေါ်လာခြင်းရဲ့အကျိုးဆက်ကတော့ လူတွေဟာအားလပ်ချိန်မှာ စာအုပ်ဖတ်တာ‌ကို သိပ်မလုပ်ကြတော့ဘဲ ရုပ်ရှင်ကြည့်တာနှင့်ဆိုရှယ်မီဒီယာတွေမှာသာအချိန်ကုန်ဆုံးကြပါတေ့တယ်။ အမှန်တော့ စာအုပ်ဖတ်ခြင်းဟာအကျိုးကျေးဇူးအများကြီးရှိတဲ့ ဝါသနာတစ်ခုဖြစ်ပါတယ်။ 

လေ့လာချက်တွေအရ စာအုပ်ဖတ်သူတွေဟာ ရုပ်ရှင်ကြည့်လေ့ရှိတဲ့သူတွေထက်ပိုပြီးစိတ်ကူးဉာဏ်ကောင်းပြီး ဉာဏ်ကွန့်မြူးနိုင်စွမ်းရှိကြပါတယ်။ အကြောင်းကတော့ စာအုပ်ကိုဖတ်တဲ့ချိန် အကြောင်းအရာတွေကိုကိုယ့်အတွေး‌ထဲမှာ စိတ်ကြိုက်အကောင်အထည်ဖော်နိုင်တာကြောင့်ဖြစ်ပါတယ်။ ဒါ့အပြင် စာအုပ်ဖတ်ခြင်းဟာ စိတ်ဖိစီးမှုနှင့် စိတ်ပင်ပန်းတာတွေကိုပြေပျောက်စေတဲ့အရာဖြစ်ပါတယ်။ နေ့စဥ်ဘဝမှာကြုံနေရတဲ့ ပြဿနာတွေကို ပြေပျောက်စေတဲ့အပြင် ကောင်းတဲ့လွှမ်းမိုးမှုတွေကိုပါပေးနိုင်ပါတယ်။

အင်တာနက်က လူတွေရဲ့စိတ်ကျန်းမာရေးကို ကျဆင်းစေပေမဲ့ စာအုပ်ဖတ်ခြင်းကတော့ စိတ်နှင့်ကိုယ် အကုန်လုံးကိုပိုကျန်းမာလာစေနိုင်ပါတယ်။ ကျန်းမာရေးစစ်တမ်းတွေအရဆို စာအုပ်ဖတ်ခြင်းက အသက်အရွယ်ကြောင့်ဖြစ်လေ့ရှိတဲ့ မှတ်ဉာဏ်ဆိုင်ရာရောဂါတွေဖြစ်ပွားခြင်းကိုပါထိန်းချူပ်နိုင်တယ်လို့သိရပါတယ်။ 

ဖုန်းနှင့်ကွန်ပျူတာလိုမျိုး Screen‌ တွေကို ကြာရှည်ကြည့်ခြင်းဟာ မျက်လုံးကို ဆိုးဆိုးဝါးဝါးထိခိုက်စေနိုင်ပါတယ်။ ဒါပေမဲ့ စာအုပ်ဖတ်ခြင်းကတော့ မျက်လုံးကို သိသာတဲ့ထိခိုက်မှုမရှိစေပါဘူး။ ဒါ့အပြင် အနုပညာရသခံစားတတ်ဖို့နှင့် ဉာဏ်ကွန့်မြုးတတ်ဖို့အရည်အချင်းတွေဟာ စာအုပ်ဖတ်ခြင်းကနေပဲပေးနိုင်တာတွေဖြစ်ပါတယ်။ ပြီးတော့ စာအုပ်ဖတ်ခြင်းဟာ အိပ်ပျော်စေဖို့ကူညီပေးနိုင်တာကြောင့် အိပ်မပျော်တဲ့ရောဂါရှိသူတွေအတွက် ဆေးတစ်ခုလိုမျိုးအသုံးပြုကြတဲ့ကုထုံးတစ်ခုလည်းဖြစ်ပါတယ်။ 

သတင်း အရင်းအမြစ်៖ markhampubliclibrary