အသက်ရှစ်နှစ်ကျော်လာတဲ့ကြောင်တွေဟာ ပုံမှန်ထက်ပိုပြီး အမြဲလိုလိုငြီးတွားကာ အော်ဟစ်နေတတ်ကြပါတယ်။ ဒီအသံဟာ သူတို့တစ်သက်တာမှာ ငြီးတွားတဲ့အသံတွေနဲ့လည်း မတူပါဘူး။ ဗိုက်ဆာလို့ ပန်းကန်လွတ်ဘေးမှာထိုင်ပြီး အော်တဲ့အသံတွေနဲ့လည်း မတူပါဘူး။ သူတို့ရဲ့ပိုင်ရှင်တွေနဲ့ ဆော့ကစားချင်လို့ ငြီးတွားတဲ့အသံလည်းမဟုတ်ပါဘူး။ သူတို့ရဲ့အသက်အရွယ်အရ ရည်ရွယ်ချက်မရှိဘဲ ငြီးတွားနေတာဖြစ်ပါတယ်။ 

ဒီလိုငြီးတွားနေပြီဆိုရင် တိရိစ္ဆာန်ဆရာဝန်တွေနဲ့ သွားပြပေးဖို့တော့ လိုအပ်ပါမယ်။ ဇီဝကမ္မနှုန်းမြင့်တက်လာခြင်းနှင့် သွေးတိုးရောဂါနှစ်မျိုးလုံးဟာ သက်ကြီးကြောင်တွေမှာအဖြစ်များပြီး ဆေးဝါးနဲ့ကုသလို့ရပါတယ်။ ဒီရောဂါကိုခံစားနေရတဲ့ကြောင်တွေဟာ နာကျင်မှုနှင့် မသက်မသာဖြစ်မှုတွေကြောင့် တစ်ညလုံးငိုယိုနေတတ်ကြပါတယ်။ 

ကြောင်တွေဟာ လူသားတွေလိုပဲ အသက်ကြီးလာတာနဲ့အမျှ အမြင်အာရုံအားနည်းခြင်းနှင့် အကြားအာရုံအားနည်းခြင်းတွေ ဖြစ်လာကြပါတယ်။ ဒါပေမယ့် လူတွေလိုမျက်မှန်တပ်ပြီး နားကြားကိရိယာတွေကို တပ်ဆင်လို့တော့မရပါဘူး။ အမြင်အာရုံဆုံးရှုံးတဲ့ကြောင်တွေဟာ မှောင်နေတဲ့အခန်းထဲမှာဆိုရင် စိတ်ရှုပ်ထွေးပြီး တစ်ညလုံးအော်နေတတ်ကြပါတယ်။ ဒီလိုစိုးရိမ်သောကတွေဖြစ်နေတတ်တဲ့အတွက် အသက်ကြီးတဲ့ကြောင်တွေကို ပိုမိုဂရုစိုက်ထိန်းသိမ်းပေးဖို့ လိုအပ်ပါတယ်။