အမျိုးသားတွေဟာ သူတို့ချစ်သူ ပါတနာကိုရွေးချယ်တဲ့အချိန် စိတ်မြန်လက်မြန် ဖြစ်ကြလေ့ရှိပေမဲ့ တစ်ကယ်နက်နက်ရှိုင်းရှိုင်းချစ်မိသွားတဲ့သူကိုတော့ နှစ်တွေကြာလည်း စိတ်ရှည်ရှည်စောင့်ဆိုင်းလေ့ရှိကြပါတယ်။ ဒီလိုအမျိုးသားတွေချစ်မိသွားစေဖို့ လိုအပ်တဲ့အပြုအမူလေးတွေကိုဖော်ပြပေးသွားပါမယ်။
(၁) ရဖို့ခက်ခဲတဲ့အရာကိုပိုလိုချင်တာဟာ လူ့သဘာဝဖြစ်တာကြောင့် အမျိုးသားတွေဟာလည်းပဲ သူတို့ကိုလွယ်လွယ်လက်ခံပေးတဲ့သူအစား ခက်ခက်ခဲခဲလိုက်ပြီးတော့ ရခဲ့တဲ့ချစ်သူလိုမျိုးကိုပိုပြီးနက်နက်ရှိုင်းရှိုင်းချစ်တတ်ကြပါတယ်။ ဒါဟာသူတို့အတွက်ပိုပြီးဆွဲဆောင်မှုရှိသလို ခံစားရတဲ့အပြင် စိတ်ထဲမှာလည်း အလေးအနက်ထားတဲ့ခံစားချက်ကိုဖြစ်ပေါ်စေပါတယ်။
(၂) သူ့ရဲ့ခံစားချက်တွေကိုပြောင်းလဲစေတဲ့ အမျိုးသမီးကိုအမျိုးသားတွေဟာ အတော်လေးသဘောကျတတ်ကြပါတယ်။ ဒေါသထွက်တာနှင့် အခြားစိတ်ပင်ပန်းစရာကိစ္စရပ်တွေကို ပြောင်းပြန်လှန်နိုင်တဲ့အထိ သူတို့ကိုခံစားချက်ကောင်းမွန်စေတဲ့သူကိုအများကြီးချစ်မိတတ်ကြပါတယ်။
(၃) အမျိုးသားတွေဟာ သူတို့ရဲ့အပြောအဆိုနှင့်အပြုအမူတွေကို စိတ်ရင်းနှင့်ခံစားပေးတတ်တဲ့သူတွေကိုအလွယ်တစ်ကူပဲ ချစ်မိတတ်ကြပါတယ်။ သူတို့ရဲ့ ဟာသတွေကိုလိုက်ပြီးရယ်မောပေးတာ သူတို့အလေးအနက်ပြောတဲ့စကားတွေကို သေချာနားထောင်ပြီးအသုံးဝင်တဲ့အကြံဉာဏ်တွေပေးတတ်တဲ့ မိန်းကလေးဟာသူတို့အမြင်မှာဆွဲဆောင်မှုအများကြီးရှိတဲ့သူဖြစ်ပါတယ်။
(၄) လူတိုင်းတော့မဟုတ်ပေမဲ့ အမျိုးသားအများစုဟာ ဆိုရှယ်ကျတဲ့ကောင်မလေးတွေကို ပိုသဘောကျတတ်ကြပါတယ်။ ဆိုရှယ်ကျတဲ့ကောင်မလေးတွေကို သဘောကျရခြင်းအကြောင်းရင်းကတော့ သူငယ်ချင်းတွေအများကြီးရှိခြင်းက သူတို့မျက်လုံးထဲမှာဆွဲဆောင်မှုတစ်ခုလို မြင်တာကြောင့်ဖြစ်ပါတယ်။ ဒါပေမဲ့ ဆက်ဆံရေးပညာရှင်တွေရဲ့လေ့လာချက်အရ ဒီလိုမိတ်ဆွေများခြင်းက အတွဲတွေလမ်းခွဲရခြင်းရဲ့ အဓိကအကြောင်းရင်းတွေထဲကတစ်ခုလည်းဖြစ်တယ်လို့သိရပါတယ်။
(၅) တစ်ခုခုကိုလေးလေးနက်နက်လုပ်ကိုင်တာ ဒါမှမဟုတ် တည်တည်ငြိမ်ငြိမ်နှင့် တစ်ခုခုကိုစိတ်ဝင်စားတတ်ကြတဲ့ မိန်းကလေးတွေဟာ အမျိုးသားတွေရဲ့စိတ်ကိုလှုပ်ကိုင်နိုင်တဲ့အပြင် ဆွဲဆောင်နိုင်စွမ်းလည်းရှိကြပါတယ်။ ဒီလိုလေးနက်တာဟာ သူတို့အတွက်လေးစားမှုနှင့်အချစ်ကို တစ်ပြိုင်တည်းခံစားရတဲ့အပြင် စိတ်ထဲမှာမေ့ဖျောက်ထားဖို့လည်းတော်တော်ခက်ခဲတာကြောင့်ဖြစ်ပါတယ်။
သတင်း အရင်းအမြစ်៖ goodmenproject.com
Bong I.T