ဆိုးရွားတဲ့အတွေ့အကြုံ အဖြစ်အပျက်တွေကြောင့် စီတ်ပိုင်းဆိုင်ရာခံစားနေရတာတွေကို  Trauma ဒါမှမဟုတ် စိတ်ဒဏ်ရာလို့ခေါ်ကြပါတယ်။ ဒီလိုစိတ်ဒဏ်ရာတွေဟာ ငယ်ဘဝအဖြစ်အပျက်တွေ၊ အကြမ်းဖက်ခံရမှုတွေနှင့်အခြားအကြောင်းအမျိူးမျိူးကြောင့်ဖြစ်ပေါ်လာနိုင်ပါတယ်။

လူအများစုဟာဒီလိုဒဏ်ရာတွေကိုရလေ့ရှိပေမဲ့ အသက်အရွယ်နှင့်အတွေ့အကြုံကြောင့် ကောင်းကောင်းရင်ဆိုင်နိုင်ပြီး နေထိုင်နိုင်သွားကြတတ်ပါတယ်။ ဒါပေမဲ့ တစ်ချိူ့ကတော့ မဖြေရှင်းနိုင်တော့ဘဲ  PTSD ( Post-Traumatic Stress Disorder) လို့ခေါ်တဲ့စိတ်ဒဏ်ရာအလွန်စိတ်ကစဥ့်ကလျားဖြစ်တာအထိဖြစ်သွားနိုင်ပါတယ်။ လူအများစုကတော့ ငယ်ဘဝစိတ်ဒဏ်ရာတွေကိုရင်ဆိုင်နိုင်ကြတာများပေမဲ့ ကိုယ်ရခဲ့တဲ့ ထရော်မာအလိုက်ပျောက်ကင်းနိုင်စွမ်းတွေမတူညီကြပါဘူး။

တစ်ချိူ့ထရော်မာတွေဟာ ကိုယ်ကိုယ်တိုင်တောင်မသိဘဲ တိုက်ဆိုင်မှုတွေကြုံလာမှထွက်ပေါ်လာတာမျိူးရှိပါတယ်။ စိတ်ဒဏ်ရာအတိမ်အနက်အလိုက် ကျွမ်းကျင်ဆရာဝန်တွေနှင့်တိုင်ပင်ဆွေးနွေးပြီး ကုသမှုတွေခံယူသင့်တဲ့ရောဂါဖြစ်ပါတယ်။

ဒီလိုထရော်မာတွေဟာ မမြင်နိုင်တာဖြစ်တဲ့အတွက်ပျောက်ကင်းဖို့လည်းကြာတတ်သလို နောက်ဆက်တွဲကိစ္စရပ်တွေလည်းအများကြီးဖြစ်စေတတ်ပါတယ်။ ဒါကြောင့် ကိုယ့်မှာငယ်ဘဝမှာတကယ်မမေ့နိုင်လောက်တဲ့အထိနာကျင်ခံစားရတာမျိူး သာမာန်မဟုတ်ဘဲအကြောက်လွန်တာလိုမျိူးဖြစ်နေတယ်ဆိုရင် စောစောစီးစီးကျွမ်းကျင်သူတွေနှင့်ကုသသင့်ပါတယ်။

သတင်း အရင်းအမြစ်៖ www.urdoctor.com