ပန်းတွေဆိုတာ လူအများစုသဘောကျပြီးလှလှပပနှင့် ကမ္ဘာကြီးကိုအလှဆင်ပေးတဲ့ပန်းလေးတွေပါ။ဒါပေမဲ့တစ်ချိူ့ပန်းတွေရဲ့အဓိပ္ပါယ်ဟာဆိုးဝါးလွန်းတာကြောင့် နိုင်ငံတစ်ချိူ့မှာဆိုရင် စိုက်ပျိူးရောင်းချတာကိုတောင်တားမြစ်ထားကြတာတွေရှိပါတယ်။

(၁) Aconite

ဒီပန်းလေးတွေဟာ တောက်ပတဲ့အရောင်နှင့်တစ်မူထူးခြားတဲ့ပုံစံလေးကြောင့်နာမည်ကျော်ပေးမဲ့ ကိုယ်ချစ်ခင်ရသူတွေကိုမပေးမိဖို့တော့လိုပါတယ်။ အကြောင်းကတော့ ဒီပန်းတွေဟာမုန်းတီးခြင်းနှင့် ယုတ်မာခြင်းတွေကိုကိုယ်စားပြုနေတဲ့ပန်းတွေဖြစ်တာကြောင့်ဖြစ်ပါတယ်။

(၂) Buttercups

အဝါရောင်ထီးလေးတွေနှင့်တူတဲ့ဒီပန်းလေးတွေကိုလည်း လူတွေအသုံးပြုကြလေ့မရှိပါဘူး။ ဘာကြောင့်ဆို ဒီပန်းပေးခြင်းက လက်ခံရသူကို ကလေးဆန်လိုက်တာ လူကြီးမပီသဘူးဆိုတဲ့အဓိပ္ပါယ်ကိုသက်ရောက်စေတာကြောင့်ဖြစ်ပါတယ်။

(၃) Butterfly weed

ဒီပန်းကိုတော့ ကိုယ်ချစ်ခင်ရတဲ့သူတွေကိုပေးမိရင်တော်တော်အဆင်မပြေဖြစ်စေမဲ့ပန်းလေးပါ။ Leave Me လို့အဓိပ္ပါယ်ရတဲ့ဒီပန်းကို ရှေးတုန်းကအမျိူးသားတွေကသူတို့ချစ်သူတွေကိုလမ်းခွဲစကားမပြောရက်ကြရင် အသုံးပြုကြလေ့ရှိပါတယ်။

(၄) Cyclamen

အောက်ငိုက်စိုက်နေတဲ့ ငှက်နှုတ်သီးခေါင်းနှင့်တူတဲ့ဒီပန်းကိုတော့ မင်းနှင့်လမ်းခွဲလိုက်ရတာတကယ်ကောင်းတယ်ဆိုတဲ့အဓိပ္ပါယ်နှင့်ပေးရမဲ့ပန်းဖြစ်ပါတယ်။ ဒါကြောင့်ကိုယ်ချစ်ခင်ရတဲ့မိတ်ဆွေတွေကို ဒီပန်းလေးမပေးမိအောင်သတိထားသင့်ပါတယ်။

(၅) The Black Rose

ရှားပါးပြီးလှလွန်းတဲ့အနက်ရောင်နှင်းဆီတွေဟာ သေခြင်းကိုယ်စားပြုပန်းတွေဖြစ်ပါတယ်။ ဒါကြောင့် ပျော်စရာပွဲတွေနှင့် အမှတ်တရပွဲတွေမှာ အနက်ရောင်နှင်းဆီကိုမသုံးမိဖို့သတိထားရပါမယ်။ တစ်ချိူ့နိုင်ငံတွေမှာတော့ အနက်ရောင်နှင်းဆီကိုခမ်းနားခြင်းအဓိပ္ပါယ်နှင့် ပွဲလမ်းသဘင်တွေမှာအသုံးပြုကြတာမျိူးလည်းရှိပါတယ်။

သတင်း အရင်းအမြစ်៖ www.floristdiary.com