ထူးခြားဆန်းကြယ်မှုတွေအခုထိဖော်ထုတ်နေဆဲဖြစ်ပြီး ကမ္ဘာ့နာမည်အကြီးဆုံးပန်းချီကားဖြစ်တဲ့ မိုနာလီဇာကို Leonardo da Vinci ကရေးဆွဲထားခဲ့တာဖြစ်ပါတယ်။ ပန်းချီကားဟာသာမာန်မဟုတ်တဲ့စုတ်ချက်တွေနှင့် ဖုံးကွယ်ထားတဲ့လျှိူ့ဝှက်ချက်တွေကြောင့်နာမည်ကြီးနေတာဖြစ်ပါတယ်။ ပညာရှင်တွေရဲ့လေ့လာမှုအရ ပန်းချီကားထဲကမိန်းမပျိူဟာအီတလီမြို့စားကတော်တစ်ယောက်ဖြစ်တယ်လို့သိရပါတယ်။

ဒီပန်းချီကားကိုအသေးစိတ်လေ့လာမှုတွေလုပ်ခဲ့တဲ့အခါ ၂၀၁၀မှာပန်းချီကားထဲမှာ အင်္ဂလိပ်အက္ခရာ S  နှင့် LV တို့ကိုမိုနာလီဇာရဲ့မျက်လုံးထဲကနေတွေ့ခဲ့ရပါတယ်။ ဒါ့အပြင် ပန်းချီကားရဲ့နောက်ခံတံတားတစ်ခုဘေးမှာ 72 ဆိုတဲ့နံပါတ်တစ်ခုကိုပါထပ်တိုးတွေ့ရှိခဲ့ရပါတယ်။ ဒီအက္ခရာနှင့်နံပါတ်တွေရဲ့အဓိပ္ပါယ်ကို အခုချိန်ထိအတိအကျမဖော်ထုတ်နိုင်သေးပါဘူး။

ဒီပန်းချီကားမှာနောက်ထပ်ဆင်တူပန်းချီကားတစ်ချပ်လည်းရှိနေပါသေးတယ်။ နဂိုမူရင်းမိုနာလီဇာနှင့်ဆင်တူဖြစ်နေတဲ့အပြင် ရေးဆွဲပုံကလည်းတစ်မူထူးခြားနေတာကြောင့်ဒီပန်းချီကားကို လီယိုနာဒိုဒါဗင်ချီရဲ့တပည့်တစ်ယောက်ကနေရေးဆွဲထားတာဖြစ်မယ်လို့ ယူဆထားကြပါတယ်။ ဒီဆင်တူပန်းချီကားမှာ အခုခေတ်မှာသာအသုံးပြုတတ်တဲ့ 3D ရေးဆွဲနည်းကိုအသုံးပြုထားပါသေးတယ်။

လေ့လာသူတွေကတော့ ဒီပန်းချီကားနှစ်ချပ်လုံးဟာတစ်ချိန်တည်းမှာရေးဆွဲတာဖြစ်ပြီးတော့ ရေးဆွဲသူရဲ့ခံစားချက်နှင့်ကျွမ်းကျင်မှုကိုလိုက်ပြီးကွာခြားသွားတာဖြစ်တယ်လို့ယူဆထားကြပါတယ်။

သတင်း အရင်းအမြစ်៖ www.worldmyth.en