ကမ္ဘာပေါ်က‌ ပထမဆုံးရုပ်ရှင်ဖြစ်တဲ့ The Story of Kelly Gang ကို ၁၉၀၆ မဲလ်ဘုန်းမြို့ Athenaeum ပြဇာတ်ရုံမှာပြသခဲ့ပါတယ်။ ဒီဇာတ်ကားဟာ နှစ်ဆယ်ရာစုမှာထွန်းကားလာတဲ့ရုပ်မြင်သံကြားခေတ်ရဲ့ရှေ့ပြေးအထိမ်းအမှတ်တစ်ခုဖြစ်သလို ၁၉ရာစုရဲ့ကြီးမားတဲ့အောင်မြင်မှုတစ်ခုလည်းဖြစ်ပါတယ်။

၁၉၀၃ မှာရွေ့လျားရုပ်ပုံတွေနှင့်ပဲရုပ်ရှင်ပြကြတဲ့အချိန်မှာ The Great Train Robbery ဆိုတဲ့အမေရိကန်ဇာတ်ကားဟာဆယ်မိနစ်တိတိကြာရှည်အောင်ပြသနိုင်ခဲ့ပါတယ်။ ဒီရုပ်ရှင်ရဲ့အောင်မြင်မှုကိုကြားနေရတဲ့ မဲလ်ဘုန်းမြို့က Tait ညီအစ်ကိုငါးယောက်ဟာဆယ်မိနစ်ထက်ပိုကြာပြီး ဇာတ်လမ်းအစအဆုံးကိုအသံရောရုပ်ပါတွဲကြည့်လို့ရတဲ့ ရုပ်ရှင်ကိုဖန်တီးဖို့ကြိုးစားခဲ့ကြပါတယ်။ 

ဒီရုပ်ရှင်ကိုခြောက်လကြာရိုက်ကူးခဲ့ရပြီး ဇာတ်ကားထဲကနေရာအများစုကိုမဲလ်ဘုန်းပတ်ဝန်းကျင်မှာပဲနေရာချပြီး ရိုက်ကူးခဲ့တာဖြစ်ပါတယ်။ ထုတ်လုပ်မှုကုန်ကျစရိတ်အနေနှင့် ဒေါ်လာတစ်ထောင်ကျော်တောင်ကုန်ကျခဲ့ပြီး ဇာတ်ဝင်ခန်းထဲကသရုပ်ဆောင်တွေရဲ့အဝတ်အစားအသုံးအဆောင်တွေကို မြို့ထဲကပြဇာတ်ရုံတစ်ခုကနေငှားရမ်းပြီးရိုက်ကူးခဲ့ရတာဖြစ်ပါတယ်။ ရုပ်ရှင်ပြတဲ့အချိန်ဆိုရင် ပိတ်ကားနောက်ကနေ လူတစ်ယောက်သို့မဟုတ် နှစ်ယောက်လောက်ကအသံထွက်ပြောရတဲ့အပြင် နောက်ခံအသံတွေအတွက် အခြားလူငယ်ငါးဦးလောက်ကလည်း ပိတ်ကားနောက်ကနေအလုပ်လုပ်ရပါတယ်။

ရုပ်ရှင်ကိုစပြလိုက်တဲ့အချိန် အားပေးမှုတွေအများကြီးရခဲ့တာကြောင့် နိုင်ငံရပ်ခြားတွေအထိပါသွားရောက်ပြသခဲ့ရပါတယ်။ ဒါပေမဲ့ ရဲတွေကိုဆန့်ကျင်ခဲ့တဲ့လူငယ်တစ်ယောက်ရဲ့အကြောင်းကို ရိုက်ကူးထားတာဖြစ်လို့အစိုးရကနေပြီးတော့ ဆင်ဆာဖြတ်ပြီးပြသခွင့်မပြုခဲ့တဲ့ကိစ္စတွေကိုလည်းရင်ဆိုင်ခဲ့ရပါတယ်။ ရုပ်ရှင်ရဲ့အောင်မြင်မှုကြောင့် Tait ညီအစ်ကိုတွေဟာဒေါ်လာ နှစ်သောင်းခွဲလောက်အထိအမြတ်အစွန်းပြန်ရခဲ့ကြပါတယ်။

သတင်း အရင်းအမြစ်៖ www.makersofworld.com