လက်ရှိအချိန်လူအသုံးများနေသော ဆိုရှယ်မီဒီယာများတွင် အင်စတာဂရမ်သည်  Facebook app ပြီးလျှင်ဒုတိယအများဆုံး App တစ်ခုဖြစ်သည်။ အမှန်တော့ ဒီပလက်ဖောင်းကိုဖန်တီးသူသည် နည်းပညာဆိုင်ရာကျွမ်းကျင်သူမဟုတ်သလို မျှော်လင့်ချက်ကြီးကြီးမားမားထားပြီးတော့ဖန်တီးခဲ့တာလည်း မဟုတ်ပါဘူး။ Instagram ဆိုတဲ့နာမည်ကိုတော့  Instant Camera နှင့် Telegram တို့ကိုအတိုချူပ်ပြီးခေါ်တာဖြစ်တယ်လို့သိရပါတယ်။

အင်စတာဂရမ်ကိုစတင်ဖန်တီးခဲ့သူ Kevin Systrom ဟာဂူးဂဲလ်ကုမ္မဏီမှာ စီးပွားရေးအကြံပေးလက်ထောက်အဖြစ်လုပ်ကိုင်ခဲ့သူဖြစ်ပါတယ်။ နည်းပညာကိုဝါသနာပါသောကြောင့် အားလပ်ချိန်တွင်ကုဒ်ရေးနည်းကို သင်ယူကာ  Burbn လို့ခေါ်တဲ့ App တစ်ခုကိုရေးဆွဲခဲ့ပါတယ်။။ ဒီ App ဟာသုံးစွဲသူတွေကို ဓာတ်ပုံရှယ်တာတွေလုပ်နိုင်တဲ့အပြင် Check-in ပါလုပ်နိုင်ပါတယ်။

၂၀၁၀မှာ ကယ်လ်ဗင်ဟာ Baseline Ventures နှင့် Andreessen Horowitz ကရင်းနှီးမြုပ်နှံသူတွေနှင့်တွေ့ပြီး သူ့ App အကြောင်းကိုရှင်းပြခဲ့ပါတယ်။ ရလာဒ်အနေနှင့် ရန်ပုံငွေဒေါ်လာငါးသိန်းကျော်ရရှိခဲ့ပြီးတော့ အလုပ်ကနေအပြီးထွက်ပြီး ဒီ App ကိုပဲအချိန်ပေးပြီးပိုအဆင့်မြင့်လာအောင်လုပ်ဆောင်ခဲ့ပါတယ်။ ဆော့ဝဲလ်အင်ဂျင်နီယာတစ်ယောက်ဖြစ်တဲ့ ကယ်လ်ဗင်ရဲ့သူငယ်ချင်း Krieger ကလည်း ဒီလုပ်ငန်းစဥ်မှာပါဝင်လာခဲ့ပါတယ်။

၂၀၁၀ မှာတော့ Instagram ဆိုတဲ့နာမည်နှင့် App ကိုစတင်မိတ်ဆက်လိုက်ပါတယ်။ အဲ့ဒီတစ်ရက်ထဲမှာပဲ App ကိုဒေါင်းလုပ်သူအယောက်နှစ်ထောင်ကျော်ခဲ့ပြီး သုံးလအကြာတွင်တစ်မီလီယံရှိသည်အထိတိုးတက်လာခဲ့ပါတယ်။စစချင်းတွင် IOS ဖုန်းများအတွက်သာထုတ်ခဲ့သော်လည်း ၂၀၁၂ မှာ Android ဖုန်းတွေအတွက်ပါထုတ်ခဲ့ပါတယ်။ အဲ့ဒီနှစ်မှာပဲ Instagram ကို  Facebook ( Meta) ကုမ္မဏီကနေပြီးတော့ ဒေါ်လာတစ်ဘီလီယံနှင့် ဝယ်ယူခဲ့ပါတယ်။

သတင်း အရင်းအမြစ်៖ www.techtarget.com