ကျူးလစ်ပန်းတွေဟာ အရောင်မျိူးစုံရှိပြီးတစ်ခြားပန်းတွေနှင့်အသွင်အပြင်မတူတာကြောင့် လူတွေကြားမှာအကြိုက်များတဲ့ပန်းလေးတွေဖြစ်ပါတယ်။ ဒီပန်းလေးတွေဟာ အရောင်အလိုက် အဓိပ္ပါယ်ကွာခြားမှုတွေအမျိူးမျိူးရှိကြပါတယ်။

ပါရှားဒဏ္ဍာရီတစ်ပုဒ်ကတော့ ဒီကျူးလစ်တွေဟာခွဲခွာရမဲ့အချစ်ကိုရည်ညွှန်းတာလို့ဆိုပါတယ်။ ဒီဇာတ်လမ်းမှာဆိုရင်  ပါရှားဘုရင်ရဲ့ရင်နှစ်သည်းချာ မင်းသမီးလေးတစ်ပါးဟာ သာမာန်အလုပ်သမားလေးတစ်ယောက်နှင့် ချစ်ကျွမ်းဝင်သွားခဲ့ပါတယ်။ သမီးတော်လေးကိုနှမြောတဲ့ဘုရင်ကြီးဟာ ဒီအလုပ်သမားလေးကိုအမျိူးမျိူးဒုက္ခတွေပေးခဲ့ပါတယ်။

ဒီအကြောင်းကိုသိလိုက်ရတဲ့ မင်းသမီးလေးဟာသူ့ချစ်သူကိုခေါ်ပြီး ချောက်ကမ်းပါးတစ်ခုကနေခုန်ချပြီးသတ်သေလိုက်ကြပါတယ်တဲ့။ ချစ်သူနှစ်ယောက်ဟာ ချောက်ကမ်းပါးအောက်ရောက်ပြီးအသက်သေဆုံးသွားခဲ့ကြပေမဲ့ သူတို့သေဆုံးသွားတဲ့ပတ်ဝန်းကျင်တစ်ဝိုက်မှာအနီရောင်ပန်းလေးတွေစတင်ဖူးပွင့်လာခဲ့ပါတယ်။

ဒီပန်းလေးတွေဟာကျူးလစ်ပန်းလေးတွေဖြစ်ပြီး ချစ်သူနှစ်ယောက်ရဲ့မျက်ရည်နှင့်သွေးတွေကနေပြီးဖြစ်ပေါ်လာခဲ့ဖြစ်တယ်လို့ ပါရှားဒဏ္ဍာရီဇာတ်လမ်းတွေမှာဖော်ပြထားပါတယ်။ ဒါကြောင့်အနီရောင်ကျူးလစ်တွေရဲ့အဓိပ္ပါယ်က မဆုံရမဲ့ချစ်ခြင်း ဒါမှမဟုတ်နက်ရှိုင်းတဲ့ချစ်ခြင်းကိုကိုယ်စားပြုပါတယ်။ 

သတင်း အရင်းအမြစ်៖ www.tulipmania.art