မြင်းတွေရဲ့ ခြေထောက်မှာဝတ်ဆင်ထားတဲ့ သံခွာတွေကိုဘာကြောင့်ဝတ်ထားရတယ်ဆိုတာကိုလူတော်တော်များများမသိကြပါဘူး။ အမှန်တော့ ဒီသံခွာတွေဟာ မြင်းတွေရဲ့လုပ်ဆောင်နိုင်စွမ်းတွေ ကျန်းမာရေးတွေကိုအများကြီးသက်ရောက်နေတဲ့အရာဖြစ်ပါတယ်။

မြင်းတွေရဲ့ခွာဟာလူတွေရဲ့ခြေသည်းလက်သည်းတွေလိုပဲ တူညီတဲ့အရာတွေနှင့်ဖွဲ့စည်းထားတာဖြစ်ပါတယ်။ ခွာရဲ့အတွင်းပိုင်းမှာအထိမခံနိုင်တဲ့နူးညံ့တဲ့အစိတ်အပိုင်းလေးပါဝင်ပါတယ်။ တကယ်လို့ မြင်းဟာသံခွာမပါဘဲပြေးတာလမ်းလျှောက်တာတွေလုပ်ရင် အဲ့ဒီအစိတ်အပိုင်းလေးက မြေကြီးနှင့်တိုက်ရိုက်ထိသွားပြီး ဒဏ်ရာရတာ အနာဖြစ်တာတွေအလွယ်တကူဖြစ်နိုင်ပါတယ်။ ဒါကြောင့်လူတွေအသုံးပြုနေတဲ့မြင်းတွေကိုဆိုရင် သံခွာတွေမဖြစ်မနေတပ်ပေးရတာဖြစ်ပါတယ်။

ဒီသံခွာတွေကလည်းပဲ မြင်းရဲ့ခွာအရွယ်အစားနှင့်ကိုက်ညီဖို့အရေးကြီးပါတယ်။ သံခွာစွပ်ပေးမဲ့သူတွေကအထူးပြုလုပ်ထားတဲ့သံချောင်းကိုသုံးပြီးတော့မြင်းရဲ့ခွာကိုသံခွာထဲဝင်အောင်ရိုက်ထည့်ပေးရတာဖြစ်ပါတယ်။ မြင်းတွေရဲ့ခွာဟာလူတွေရဲ့လက်သည်းတွေနှင့်အတူတူပဲဖြစ်လို့ ဒီလိုရိုက်ထည့်တဲ့အချိန်မှာနာကျင်မှုကိုမခံစားရပါဘူး။ တောထဲမှာနေတဲ့မြင်းတွေကတော့ လူမွေးမြင်းတွေလိုဂရုစိုက်စရာမလိုတဲ့အပြင် အလုပ်တွေပြင်းပြင်းထန်ထန်လုပ်စရာလည်းမလိုတာကြောင့် ဒီလိုသံခွာတွေမရှိလည်းရပါတယ်။ 

လူတွေစီးတဲ့မြင်းတွေအနေနှင့်တော့ သံခွာကိုမဖြစ်မနေတပ်ပေးရပြီးတော့ မြင်းရဲ့ခွာအရွယ်အစားလိုက်ပြီး အဆင်ပြေတဲ့ခွာကိုပြောင်းလဲတပ်ဆင်ပေးရပါတယ်။ သံခွာကိုအများအားဖြင့် မာကျောပြီးမြင်းတွေကိုဒဏ်ရာမရစေနိုင်တဲ့ စတီးသံတွေနှင့်လုပ်လေ့ရှိပေမဲ့ ပြိုင်မြင်းတွေအတွက်ဆိုရင်တော့အလူမီနီယမ်သံခွာတွေလည်းလုပ်လေ့ရှိပါတယ်။ ဒါ့အပြင် မြင်းတွေဒဏ်ရာရတဲ့အချိန်စီးနိုင်မဲ့ အထူးဘွတ်ဖိနပ်လိုမျိူးလည်းရှိပါတယ်။

သတင်း အရင်းအမြစ်៖ mtcreekstable.com