ဒီအပြာရောင် အဝိုင်းကြီးတွေကိုမြန်မာနိုင်ငံအပါအဝင် ကမ်းခြေတော်တော်များများမှာတွေ့နိုင်ပါတယ်။ ဂျယ်လီငါးတွေလို့အလွယ်ခေါ်တတ်ကြတဲ့ ဒီရေတန်းကောင်လေးတွေအကြောင်းကို လူသိပ်မသိပါဘူး။ ဒီအကောင်လေးတွေဟာ Porpita Porpita လို့ခေါ်တဲ့အကောင်လေးတွေပါ။ ဂျယ်လီငါးတွေနှင့်တူသလိုလိုရှိပေမဲ့ ကွာခြားတဲ့အချက်တွေလည်းအများကြီးရှိပါတယ်။

ဒီရေတန်းကောင်လေးတွေဟာ အဓိကအစိတ်အပိုင်းနှစ်ခုရှိပြီးတော့ ရွှေဝါရောင်သန်းနေတဲ့ကိုယ်အဝိုင်းနှင့် အပြာရောင်အမျှင်လက်တံလေးတွေပဲဖြစ်ပါတယ်။ ဒီလက်တံလေးတွေက ပင်လယ်ထဲမှာရွေ့လျားဖို့အကူအညီပေးပါတယ်။ များသောအားဖြင့် သူတို့မှာပါးစပ်တစ်ပေါက်ပဲပါပြီးတော့ အဲ့ကနေပဲ အစာစားတာ အညစ်အကြေးစွန့်တာလုပ်ကြပါတယ်။

ပြီးတော့ ဒီအကောင်လေးတွေဟာ မွေးတုန်းက လိင်အတိအကျမရှိဘဲ အရွယ်ရောက်လာမှသာ မတူညီတဲ့လိင်တွေအဖြစ်ပြောင်းလဲသွားတာဖြစ်ပါတယ်။ပင်လယ်ထဲက အကောင်တွေဆိုပေမဲ့ သူတို့ဟာရေမကူးနိုင်ကြပါဘူး။ ရေစီးကြောင်းကို အလိုက်သင့် နေရင်းပေါ််လောပေါ်် ကြတဲ့အကောင်တွေဖြစ်ပါတယ်။ 

ဒီမျိူးစိတ်ထဲက အကောင်တွေဟာ တစ်ကောင်နှင့်တစ်ကောင် လုပ်ဆောင်ပုံတွေမတူကြပါဘူး။ ဒါ့အပြင် အဆိပ်မရှိဘူးဆိုပေမဲ့ ဒီအကောင်လေးတွေရဲ့အဆူးတွေဟာ အရေပြားကို ပြင်းပြင်းထန်ထန်ယားယံစေတတ်တာကြောင့် လုံးဝမထိတွေ့သင့်တဲ့အကောင်လေးတွေပဲဖြစ်ပါတယ်။

သတင်း အရင်းအမြစ်៖ 30a.com