သင်ဟာ ခရမ်းရောင်ကိုသဘောကျနှစ်သက်ပြီး ခရမ်းရောင်အတိပြီးတဲ့ နေရာတစ်နေရာကိုရှာနေတယ်ဆိုရင်တော့ တောင်ကိုးရီးယားနိုင်ငံမှာရှိတဲ့ Banwol ကျွန်းလေးကိုသွားသင့်ပါတယ်။ ၂၀၁၅ခုနှစ်တုန်းက စီမံချက်အရ ဒီလယ်ယာကျွန်းလေးဟာဆိုရင် ခရမ်းရောင်မှော်ကျွန်းလေးအဖြစ်ကူးပြောင်းလာခဲ့တာပဲဖြစ်ပါတယ်။

ကိုးရီးယားရဲ့အနောက်ဖက်ကမ်းရိုးတန်းမှာရှိပြီးတော့ နိုင်ငံရဲ့မြို့တော်ဖြစ်တဲ့ ဆိုးလ်မြို့နှင့် ခြောက်နာရီကားမောင်းရုံနှင့်ရောက်နိုင်တဲ့နေရာလေးပါ။ ကျွန်းရဲ့လှပမှု ခရမ်းရောင်ကမ္ဘာကြီးကိုတွေ့ရဖို့အတွက် ခြောက်နာရီဆိုတာ တန်လွန်းပါတယ်။ ဒါ့အပြင် ရွာလေးထဲမှာ ဟိုတယ် နှင့်စားသောက်ဆိုင်တွေကိုလည်း လည်ပတ်သူတွေအတွက် ဖွင့်လှစ်ပေးထားပါသေးတယ်။

ရွာလေးရဲ့ပတ်ဝန်းကျင်မှာ တွေ့ရတတ်တဲ့ခရမ်းရောင်ခေါင်းလောင်းပန်းကိုနမူနာယူပြီး တစ်ရွာလုံးကိုခရမ်းရောင်အဖြစ်ပြောင်းခဲ့တာဖြစ်ပါတယ်။ ရွာထဲမှာ လာဗင်ဒါပန်းခင်းတွေ ခရမ်းရောင်တယ်လီဖုန်းရုံကြီးတွေ နှင့် ခရမ်းရောင်တံတားတွေကိုပါ ပြင်ဆင်ထားတာမလို့ တကယ်ကို စိတ်ကူးယဥ်ဆန်တဲ့ ခရမ်းရောင်ကျွန်းလေးတစ်ခုပါ။

နောက်ပိုင်းမှာ တောင်ကိုးရီးယားရဲ့အောင်မြင်တဲ့ အဆိုတော်အဖွဲ့ BTS ရဲ့အရောင်ကလည်း ခရမ်းရောင်ဖြစ်တာမလို့ ဒီကျွန်းလေးဟာ "I Purple You" ဆိုတဲ့စကားစုလေးနှင့်အတူ ပိုပိုလူသိများလာခဲ့ပါတယ်။

သတင်း အရင်းအမြစ်៖ edition.cnn.com