Nanja  Kaouthia မျိူးစိတ်အောက်ကနေ ခွဲထွက်လာတဲ့ Brown Banded Cobra (Nanja Fuxi) ကို မြန်မာနိုင်ငံရဲ့ တတိယမြောက်မြွေဟောက်အဖြစ် ၂၀၂၂ ဒီဇင်ဘာလတုန်းက ခွဲထုတ်မှတ်တမ်းတင်ခဲ့ပါတယ်။ တင်ပြတဲ့ စာတမ်းတွေအရ မြန်မာနိုင်ငံမြောက်ပိုင်း နှင့်အခြားအရှေ့တောင်အာရှနိုင်ငံတွေမှာ တွေ့ရတယ်လို့ သိရပါတယ်။ 

တရားဝင်ဖော်ပြတာမျိူးမရှိပေမဲ့ ပြင်ဦးလွင်နှင့် မန္တလေးမှာတွေ့ရတယ်ဆိုတဲ့ မှတ်တမ်းတွေလည်းရှိပါတယ်။ အခြားမြွေဟောက်တွေလိုပဲ နေ့ဖက်မှာအစာရှာတတ်ပြီးတော့ ဖားနှင့်အခြားအကောင်ငယ်တွေကို စားပါတယ်။ ပုံပန်းသွင်ပြင်အားဖြင့်တော့ Nanja Kaouthia နှင့်အတူတူနီးပါးပဲဖြစ်ပြီး ခန္တာကိုယ်အလည်ပိုင်းနှင့် အမြီးအရောင်တွေကို ကြည့်ပြီးခွဲခြားနိုင်ပါတယ်။

ဒီမြွေဟောက်ရဲ့ကိုယ်ထည်ဟာ မီးခိုးရောင်အတွေ့ရများပြီး အဝါရောင်ကွင်းတွေ ရှိတတ်ပါတယ်။ ဒီအဝါရောင်အကွင်းမှာမှ ဘေးနားလေးမှာ အနက်ရောင်လေးကွပ်ထားတတ်ပါတယ်။ ဒါပေမဲ့ တစ်ချိူ့အကောင်ပေါက်တွေဟာ အနက်ရောင်လုံးလုံးဖြစ်နေတတ်တာကြောင့် အကွင်းတွေကို တွေ့ရဖို့ခက်ခဲတတ်ပါတယ်။

ဒီမြွေဟောက်တွေရဲ့ အဆိပ်ကိုတော့ အခုထိသေချာမသိရသေးပါဘူး။ သုတေသနတွေ လေ့လာမှုတွေလုပ်နေဆဲအနေအထားပဲဖြစ်ပါတယ်။

သတင်း အရင်းအမြစ်៖ en.wikipedia.org