ပင်လယ်မြွေမျိုးစိတ်များစွာ ရှိသည့်အနက် ကုန်းနေမြွေတွေထက် အဆ ၁၀၀ လောက်အဆိပ်ပြင်းတဲ့ မြွေရှိပါတယ်။ အဲ့ဒီမြွေကတော့ Belcher's ပင်လယ်မြွေပါ။ သူတို့ကို Hydrophis belcheri လို့လည်း လူသိများပါတယ်။ အများအားဖြင့် အိန္ဒိယနှင့် ပစိဖိတ်သမုဒ္ဒရာရဲ့ အပူပိုင်းရေပြင်များမှာ နေထိုင်ကျက်စားကြပါတယ်။

 အဆိပ်ပြင်းတဲ့ ဒီပင်လယ်မြွေကို ၁၉ ရာစုအလယ်ပိုင်းမှာ ဗြိတိန်ရေတပ်အရာရှိနှင့် စူးစမ်းရှာဖွေသူ Sir Edward Belcher တို့က ရှာဖွေတွေ့ရှိခဲ့တာ ဖြစ်ပါတယ်။ ပင်လယ်မြွေအများစုဟာ အရှည် ၁.၅ မီတာ (၄.၉ ပေ) အထိလောက်ပဲ ကြီးထွားနိုင်ပေမယ့် Belcher မျိုးစိတ်ကတော့ ၄ မီတာထိ ကြီးထွားကြပါတယ်။

ရေအောက်မှာ ၈ နာရီမှ ၉ နာရီအထိ နေထိုင်နိုင်ကြပေမယ့် အသက်ရှုဖို့အတွက် ရေပြင်ပေါ်ကိုတက်လာရပါတယ်။ Belcher ရဲ့ပုံသဏ္ဍာန်ကတော့ ကုန်းနေ သံကွင်းစွပ်မြွေတွေနဲ့ တော်တော်လေးတူပါတယ်။ ဒါပေမယ့် ဒီမြွေတွေမှာ ရေကူးခပ်ရာမှာ အထောက်အကူပြုတဲ့ ပြားချပ်ချပ်ပုံစံ အမြီးတစ်ခုပါရှိပါတယ်။ အစာအနေနဲ့ကတော့ အခြားပင်လယ်မြွေတွေလိုပဲ ငါးနှင့် ခရုများကိုပဲ ရှာဖွေကျက်စားကြပါတယ်။ တကယ်လို့ သင်ဟာ ပင်လယ်ထဲရောက်ခဲ့မယ်ဆိုရင် ဒီလို မြွေတွေကို လှတယ်ဆိုပြီး မကိုင်ဖို့၊ ဝေးဝေးက ရှောင်ရှားဖို့ သတိပေးပါရစေ။

သတင်း အရင်းအမြစ်៖ Source - amazing.zone