ဧကရာဇ်ကင်းမြီးကောက် (Pandinus imperator) ဟာ ကမ္ဘာ့အကြီးဆုံး ကင်းမြီးကောက်မျိုးစိတ်တွေထဲက တစ်မျိုးဖြစ်ပြီး အရွယ်ရောက်ပြီးသူတွေဟာ ပျမ်းမျှအရှည် 20 စင်တီမီတာ (7.9 လက်မ) နှင့် အလေးချိန် 30 ဂရမ်ရှိပါတယ်။ ဒါပေမယ့်လည်း သစ်တောကင်းမြီးကောက်မျိုးစိတ်အချို့ဟာ အရွယ်အစားအရ ဧကရာဇ်ကင်းမြီးကောက်နဲ့ အတော်လေးဆင်တူပြီး ကင်းမြီးကောက်တစ်ကောင်ဖြစ်တဲ့ Heterometrus swammerdami ဟာ အရှည် ၉ လက်မ (၂၃ စင်တီမီတာ) ရှိတဲ့ ကမ္ဘာ့အကြီးဆုံးကင်းမြီးကောက်အဖြစ် စံချိန်တင်ထားပါတယ်။

ကြီးမားတဲ့ လက်တွေဟာ နီညိုရောင်ရှိပြီး သေးငယ်တဲ့ အသွင်အပြင်ရှိပါတယ်။ ခန္ဓာကိုယ်ရဲ့ ရှေ့ပိုင်း သို့မဟုတ် prosoma ကို အပိုင်းလေးပိုင်းဖြင့် ဖွဲ့စည်းထားပြီး တစ်ခုစီတွင် ခြေထောက်တစ်စုံရှိပါတယ်။ စတုတ္ထခြေနှစ်ချောင်းရဲ့နောက်မှာ pectine လို့ခေါ်တဲ့ အရာရှိပြီး အထီးတွေဟာ အမ‌တွေထက် ပိုရှည်တတ်ပါတယ်။ Metasoma လို့ခေါ်တဲ့ အမြီးဟာ ရှည်လျားပြီး ခန္ဓာကိုယ်ပေါ်မှာ ကွေးညွှတ်သွားပါတယ်။ အမြီးမှာ အဆိပ်ဂလင်းတွေပါရှိပါတယ်။ သူတို့ဟာ ပျားတွေတုပ်သလိုမျိုးဘဲ ပြင်းထန်နိုင်ပြီး အဆိပ်ကတော့ မျိုးစိတ်ပေါ်မူတည်ပြီး ကွဲပြားနိုင်ပါတယ်။

လူအများစုဟာ ဧကရာဇ်ကင်းမြီးကောက်ရဲ့ အမြီး‌နဲ့ပေါက်တာကို ပြင်းထန်စွာ မခံစားရပေမယ့်လည်း အချို့လူတွေဟာ ယေဘုယျအရ ကင်းမြီးကောက်တုပ်တာနဲ့ ဓာတ်မတည့်ပါဘူး။ အာရုံခံအမွေးတွေဟာ ဇာနင်းနှင့် အမြီးကို ဖုံးအုပ်ထားတာကြောင့် ဧကရာဇ်ကင်းမြီးကောက်ဟာ လေနဲ့မြေပြင်တို့က တုန်ခါမှုက‌နေတစ်ဆင့် သားကောင်ကို ရှာဖွေတွေ့ရှိနိုင်စေပါတယ်။

အမတွေ ကိုယ်ဝန်ဆောင်တဲ့အခါ အမရဲ့ ကိုယ်ခန္ဓာဟာ အပိုင်း‌တွေကို ချိတ်ဆက်ထားတဲ့ အဖြူရောင်အမြှေးပါးများကို ဖော်ထုတ်ဖို့ ကျယ်ပြန့်လာပါတယ်။ ဧကရာဇ်ကင်းမြီးကောက်ဟာ ခရမ်းလွန်ရောင်ခြည်အောက်မှာ စိမ်းပြာရောင်ဖြာထွက်နေနိုင်ပါတယ်။ ပျော့ပျောင်းတဲ့ အပြုအမူနဲ့ အန္တရာယ်မရှိတဲ့ ကိုက်ခဲမှုကြောင့် လူသိများပါတယ်။ သူတို့ဟာ အရွယ်ရောက်တဲ့အခါမှာ ကိုယ့်ကိုယ်ကိုယ် ခုခံကာကွယ်ဖို့ သူတို့ရဲ့ အမြီးအချွန်ကို မသုံးကြပေမယ့်လည်း ဆယ်ကျော်သက်အရွယ်မှာ ဒါကို အသုံးပြုနိုင်ပါတယ်။

ဧကရာဇ်ကင်းမြီးကောက်တွေဟာ ဆင်တူတဲ့မျိုးရင်း (Heterometrus) နဲ့ ရောထွေးလေ့ရှိပြီး အကျော်ကြားဆုံးကင်းမြီးကောက်တွေထဲက တစ်မျိုးဖြစ်ပါတယ်။ ဧကရာဇ်ကင်းမြီးကောက်တွေဟာ အာဖရိကအနောက်အလယ်ပိုင်းရှိ ကမ်းရိုးတန်းဒေသမှာ နေထိုင်ကြပါတယ်။ ဧကရာဇ်ကင်းမြီးကောက်တွေဟာ သဲကန္တာရနေထိုင်ရာတွေမှာ အင်းဆက်ကောင်တွေကို ထိန်းချုပ်ဖို့ ကူညီပေးပါတယ်။

သတင်း အရင်းအမြစ်៖ wikipedia