ကျွန်တော်တို့ နေထိုင်တဲ့ ကမ္ဘာမြေကြီးက လျှို့ဝှက်ဆန်းကြယ်တဲ့ သဘာဝဖြစ်ရပ်ဆန်းတွေရှိတာကို အားလုံးလည်း သိကြမှာပါ။ တချို့သဘာဝဖြစ်ရပ်ဆန်းတွေကလည်း နက်နဲလွန်းတာကြောင့် ပညာရှင်တွေတောင် မေးခွန်းထုတ်ခဲ့ရပါတယ်။ ပြီးခဲ့တဲ့ ရက်ပိုင်းတုန်းကလည်း တူရကီနိုင်ငံ၊ Bursa မြို့ရဲ့ ကောင်းကင်မှာ တစ်ခါမှ မမြင်ဖူးတဲ့ ထူးဆန်းတဲ့ တိမ်တိုက်ဖြစ်စဉ်တစ်ခုဖြစ်ပေါ်ခဲ့တဲ့ ပုံရိပ်တချို့ အင်တာနက်သုံးစွဲသူတွေကြားမှာ ပျံ့နှံ့ခဲ့ပါတယ်။
![Photo Credit - WorldForum](https://s9.kh1.co/__image/w=650,h=325,q=100/a6/a62b1a0a6f1b846c7f826f7ff0e1c21ef9d1ed80.jpg)
![Photo Credit - WorldForum](https://s9.kh1.co/__image/w=650,h=348,q=100/22/226497bc3ea612c0b2b1b0f8ccde2eb26b56fc15.jpg)
အဲ့ဒီဖြစ်ရပ်က ဇန်နဝါရီ ၁၉ ရက်၊ ဒေသစံတော်ချိန်မှာဖြစ်ပေါ်ခဲ့ဖြစ်ပြီး ဒီလိုထူးဆန်းတဲ့တိမ်ပုံသဏ္ဍာန်ကြောင့် အင်တာနက်သုံးစွဲသူတွေကြားမှာ ထင်ကြေးအမျိုးမျိုးပေးခဲ့ကြပါတယ်။ အဆိုပါ တိမ်ဟာ နေထွက်လာတာနှင့်အမျှ လိမ္မော်ရောင်မှ အနီရောင်သို့ ပြောင်းလဲသွားတယ်လို့ ဆိုပါတယ်။ အချို့ကလည်း ဒီတိမ်တိုက်ပုံစံဟာ "UFO" နဲ့တူတယ်လို့ ပြောကြသလို တချို့လူတွေကလည်း "မျက်လုံးပုံစံ" နဲ့တူတယ်လို့လည်း ပြောကြပါတယ်။
![Photo Credit - WorldForum](https://s9.kh1.co/__image/w=650,h=389,q=100/66/66c9356b5b0cd376e2ed7c82e17df7fdf5729120.jpg)
![Photo Credit - WorldForum](https://s9.kh1.co/__image/w=641,h=641,q=100/03/037d325407a5bde094ff6edd5f0368dd90a30381.jpg)
တကယ်တော့ ဒီတိမ်ဟာ တိမ်လှိုင်းအမျိုးအစားတစ်ခုဖြစ်ပါတယ်။ ၎င်းဟာ မြေပြင်အနီးရှိ လေထုအလွှာ (တောင် သို့မဟုတ် မြစ်ကဲ့သို့) သဘာဝအတားအဆီးတစ်ခုနှင့် တိုက်မိပြီး လေတိုက်ခြင်းကြောင့် ဖြစ်ပေါ်လာတဲ့ သဘာဝဖြစ်စဉ်တစ်ခုဖြစ်တယ်လို့ တူရကီ အမျိုးသား မိုးလေဝသ အေဂျင်စီက ဖော်ပြထားပါတယ်။
![Photo Credit - WorldForum](https://s9.kh1.co/__image/w=650,h=366,q=100/e5/e51897629feae109b46ec27573f29c3538997007.jpg)
သတင်း အရင်းအမြစ်៖ Source - mingalapar/WorldForum