ဆောင်းရာသီမှာ တခြားမြွေတွေနဲ့အတူ ဆောင်းခိုရတာကို ကြိုက်နှစ်သက်ကြတဲ့ ဂါတာမြွေများ

ကမ္ဘာပေါ်မှာ မြွေအမျိုးအစားများစွာရှိပါတယ်။ ပြီးတော့မြွေတွေဟာ အဆိပ်ရှိပြီး အန္တရာယ်ရှိပါတယ်။ ဒါပေမယ့် Garter (ဂါတာ) မြွေတွေကတော့ အန္တရာယ်မရှိပါဘူး။ အန္တရာယ်မရှိဘူးဆိုပြီးတော့လည်း အထင်မသေးလိုက်ပါနဲ့။ သူတို့ထဲက အနည်းငယ်မှာ အပျော့စား အဆိပ်ပါရှိပါတယ်။

အဆိပ်ပါရှိပေမယ့်လို့ လူတော်တော်များများကတော့ ဒီမြွေတွေကို အိမ်မွေးတိရစ္ဆာန်အဖြစ် ထားကြပါတယ်။ ဘာလို့လဲဆိုတော့ သူတို့ရဲ့ အဆိပ်ကပျော့တဲ့အပြင် အကောင်ဟာ သေးသေးလေးနဲ့ ချစ်စရာကောင်းလို့ပါ။ Garter မြွေတွေဟာ အရှည် လက်မသုံးဆယ်နီးပါးရှိကြပြီး အရှည်ငါးပေအထိ ကြီးထွားနိုင်ကြပါတယ်။

သူတို့ကို အရောင်အမျိုးမျိုးနဲ့ တွေ့ရလေ့ရှိ‌ပေမယ့်လည်း သူတို့ရဲ့အရှေ့ဘက်ခြမ်းမှာ အဝါရောင်နဲ့ အစိမ်းရင့်ရောင်မျဉ်းတွေ ရှိနိုင်ပါတယ်။ ဒီမြွေတွေဟာ ဆောင်းရာသီမှာ ဆောင်းခိုဖို့အတွက် မြက်ခင်းလို စိမ်းလန်းတဲ့နေရာမှာ သူတို့ရဲ့တွင်းကိုဆောက်ဖို့ နှစ်သက်ကြပါတယ်။ သူတို့ဟာ ပြီးပြည့်စုံတဲ့တွင်းကို ရှာဖို့ကို မိုင်ပေါင်းများစွာထိတောင် ခရီးနှင်နိုင်ကြပါတယ်တဲ့။ သူတို့ရဲ့နောက်ထပ်ထူးခြားချက်ကတော့ တခြားမြွေတွေနဲ့အတူ ဆောင်းခိုရတာကို ကြိုက်နှစ်သက်ကြပြီး များလေကောင်းလေဖြစ်ပါတယ်။

သတင်း အရင်းအမြစ်៖ Animals around the globe