Wildcat တွေဟာများသောအားဖြင့် မီးခိုးရောင်ရှိပြီး အမြှီးထူထပ်ကာ အနက်အစင်းကြောင်းတွေနဲ့ ခန္ဓာကိုယ်တစ်ခုလုံးကို ‌ဖုံးထားကြပါတယ်။သူတို့အမွှေးတွေဟာ တိုကြပြီး အိမ်မွေးကြောင်နဲ့ဆင်တူကြတာပဲဖြစ်ပါတယ်။နားရွက်အနောက်မှာ အနီရောင်အမွှေးတွေရှိတတ်ကြပါတယ်။ တောကြောင်တွေဟာ ပုံမှန်အားဖြင့် ည၊ နေဝင်ချိန် သို့မဟုတ် အရုဏ်တက်ချိန်တွေမှာ တက်ကြွကြပြီး အထူးသဖြင့် လူသိပ်မရှိသောနေရာများမှာ နေ့ဘက်မှာ လှုပ်ရှားကြပါတယ်။ အထူးသဖြင့် အာရှတိုက်ကတောကြောင်တွေဟာ နေ့ဘက်တွင် မကြာခဏ လှုပ်ရှားကြပါတယ်။သူတို့ဟာ ညဘက်မှာ သားကောင်ရှာဖို့ အဝေးသို့ ခရီးထွက်လေ့ရှိပါတယ်။

တောကြောင်တွေဟာ အာရှအနောက်တောင်ပိုင်း၊ ဥရောပတိုက်နဲ့ အာဖရိကရှိ ဆာဗားနားဒေသတွေမှာ နေထိုင်ကြပါတယ်။ သူတို့ဟာ သဲကန္တာရဒေသများမှာ နေထိုင်ကြပြီး ရေလမ်းနှင့် တောင်တန်းဒေသများတွေမှာတော့ သိပ်မတွေ့ရတာဖြစ်ပါတယ်။ဥရောပတောကြောင်တွေဟာ အဓိကအားဖြင့် အရွက်များနှင့် ရောနှောသော သစ်တောများမှာ နေထိုင်ကြပါတယ်။ စိုက်ပျိုးထားတဲ့ နေရာတွေနဲ့ အခြေချနေထိုင်တဲ့နေရာတွေမှာ အနေနည်းလေ့ရှိတာပဲဖြစ်ပါတယ်။တောကြောင်များကို မြေထဲပင်လယ် ကမ်းရိုးတန်း သစ်တောများနှင့် ပင်လယ်ကမ်းရိုးတန်းတစ်လျှောက်မှာလည်း တွေ့ရပါတယ်။

တောကြောင်တွေဟာ ကြွက်ငယ်များစားကြပြီး ငှက်များ (အထူးသဖြင့် ဘဲ၊ ဂါလီဖော်မီးယား၊ ခိုနှင့် ခိုများ)၊ ယုန်များ၊ ပိုးကောင်များနှင့် အခြားအရာတွေကိုလည်း စားသုံးကြပါတယ်။ တောကြောင်တွေဟာ နေထိုင်ရာဒေသများ ဆုံးရှုံးခြင်း၊ ပျက်စီးခြင်းတို့ကြောင့် လျော့နည်းလာကြပါတယ်။ ဥရောပတောကြောင်တွေအနေနဲ့ အထီးကျန်စွာနေရခြင်း၊ မော်တော်ကားများနှင့် တိုက်မိခြင်းနဲ့ အိမ်မွေးကြောင်များမှတစ်ဆင့် ကူးစက်သောရောဂါများကြောင့် စိုးရိမ်စရာအခြေအနေနဲ့ရင်ဆိုင်နေရပါတယ်။ Wildcat တွေဟာ ကြွက်များအပြင် အခြားနို့တိုက်သတ္တဝါငယ်များကို ထိန်းချုပ်ဖို့ အရေးကြီးသော အခန်းကဏ္ဍမှ ပါဝင်ကြတာကြောင့် တချို့က သူတို့ကိုမွေးကြပါတယ်။

Photos: Credit

သတင်း အရင်းအမြစ်៖ google