ရေကူးကျွမ်းတဲ့ ဂျပန်နိုင်ငံက နှင်းမျောက်များ

Japanese Macaque လို့ခေါ်တဲ့ မျောက်တွေဟာ ဂျပန်နိုင်ငံရဲ့နေရာမျိုးစုံမှာ တွေ့ရပြီး အလယ်အလတ် အရွယ်အစားရှိကြပါတယ်။သူတို့ဟာနှင်းများဖုံးလွှမ်းနေတဲ့ နေရာတွေမှာနေတာကြောင့် ` နှင်းမျောက် ‘ လို့လည်း ခေါ်ကြပါတယ်။ကမ္ဘာ့မြောက်ဘက်ခြမ်းမှာ တွေ့ရတဲ့မျောက်မျိုးစိတ် ဖြစ်ပြီး ပတ်ဝန်းကျင်၊ ရာသီဥတုနဲ့ လိုက်လျောညီထွေစွာ နေတတ်ကြပါတယ်။Macaque တွေမှာ ထူထပ်တဲ့အမွှေးတွေ ရှိကြပြီး အညိုရောင် (သို့မဟုတ်) မီးခိုရောင် ရှိကြပါတယ်။သူတို့မှာ ပါးသိုင်းမွှေးအရှည်၊ မုတ်ဆိတ်မွှေးအရှည်တွေ ရှိကြပြီး အမှီးတိုကြပါတယ်။သူတို့ဟာ တခြားမျောက်တွေကဲ့သို့ လက်တွေပါရှိပြီး အရာရာကို ကိုင်ဆောင်နိုင်ကြပါတယ်။

Macaque တွေဟာ ဂျပန်နိုင်ငံရဲ့ အဓိကကျွန်းတွေမှာ နေထိုင်ကြပြီး တောင်ဘက်ရှိ အပူပိုင်းသစ်တော၊မြောက်ပိုင်းရှိ တောင်တန်းဒေသ၊အလယ်နဲ့မြောက်ဘက်မှာ ရှိတဲ့ အရွက်ကြွေတောတွေ သာမကပဲ ကျွန်းတွေရဲ့  အနောက်တောင်ဘက်ရှိ အမြဲစိမ်းတော၊ပူနွေးအေးမြတဲ့တောတွေမှာလည်း တွေ့ရပါတယ်။သူတို့ဟာ သေးငယ်တဲ့ တိရိစ္ဆာန်တွေ၊ အပင်တွေ စားသုံးကြပြီး အဓိကအားဖြင့် သစ်သီးတွေဖြစ်တဲ့ ဘယ်ရီသီး နဲ့ အစေ့၊ပန်းပွင့်နဲ့ အရွက်နုတွေစားသုံးကြပါတယ်။ ဆောင်းတွင်းမှာတော့ အင်းဆက်၊ဂဏန်းနဲ့ ငှက်ဥတွေစားကြပါတယ်။

Macaque တွေဟာ ရေကူးကျွမ်းကြပြီး ကီလိုမီတာတော်တော်များများထိ ကူးနိုင်၊ခုန်နိုင် ကြပါတယ်။သူတို့ဟာ များသောအားဖြင့် ပျံ့နှံ့နေပြီး မကြာသေးခင်က အရေအတွက်တိုးလာခဲ့ပါတယ်။အရေအတွက်စုစုပေါင်း (၁၁၄,၄၃၁) ထိရှိကြပါတယ်။သူတို့မျိုးစိတ်တွေနဲ့ ပက်သက်ပြီးချိန်းခြောက်တာ မကြုံတွေ့ရပေမယ့် နှစ်စဉ်မျောက်ကောင်ရေ (၁၀၀၀၀) ဟာအသတ်ခံနေရပြီး အကြောင်းအရင်းကတော့ လယ်သမားတွေရဲ့ ကောက်ပဲသီးနှံတွေ၊ တိရိစ္ဆာန်တွေ ကိုပျက်စီးစေတာကြောင့် လယ်သမားတွေရဲ့ သတ်ဖြတ်ခြင်းကို ခံရတာပဲဖြစ်ပါတယ်။

Photos: Credit

သတင်း အရင်းအမြစ်៖ Google