ရှေး‌ဟောင်းဂရိမြို့မှာ မီးရထားလမ်းချဲ့ရင်း  ၂၀၀၈ ခုနှစ်က ရှာတွေ့ခဲ့တဲ့ အကြီးမားဆုံး ရှေးဟောင်းသုတေသန ရှာဖွေတွေ့ရှိမှုများထဲမှ တစ်ခုခဲ့ပါတယ်။ ဒါကတော့ ဂန္ထဝင်ခေတ်တွေက လူပေါင်း ၁၂,၀၀၀ ကျော်လောက်မြှုပ်နှံထားတဲ့ သင်္ချိုင်းကြီးတစ်ခုကို ရှာဖွေတွေ့ရှိခဲ့တာ ဖြစ်ပါတယ်။

ကျွန်တော်ထင်တာကတော့ ကမ္ဘာပေါ်က ရှေးဟောင်း အရိုးစုရှာတွေ့ခဲ့တဲ့ ဖြစ်ရပ်တွေမှာ ဒါဟာ ပမာဏအများဆုံးဖြစ်မှာပါ။ ဘာဖြစ်လို့လဲဆိုတော့ ကျွန်တော်တို့ အိမ်နီးချင်းနိုင်ငံဖြစ်တဲ့ တရုတ်နိုင်ငံမှာတွေ့ရှိခဲ့တဲ့ အရိုးစုတွေကတော့ အများဆုံးမှ ရာဂဏန်းလောက်သာ ရှိတာဖြစ်ပါတယ်။

ယခုမီးရထားလမ်းချဲ့ရင်း တွေ့ရှိခဲ့တဲ့ သင်္ချိုင်းဟာ သမိုင်းမှတ်တမ်းတွေအရဆိုရင် ပြင်းထန်တဲ့ တိုက်ပွဲများစွာ ဖြစ်တဲ့နေရာလို့ ဆိုပါတယ်။ ဒါကြောင့် တူးဖော်တွေ့ရှိခဲ့တဲ့ အရိုးစုတွေကလည်း အဲ့ချိန်တုန်းက တိုက်ပွဲအတွင်း သေဆုံးခဲ့တဲ့ စစ်သည်များဖြစ်ပြီ အစုလိုက်အပြုံလိုက်မြုပ်နှံထားတာ ဖြစ်နိုင်ပါတယ်။ ဘာကြောင့်လဲဆိုတော့ အဲ့မြုပ်နှံထားတဲ့ လူအရိုးစုတွေကြားမှာ မြင်းတွေရဲ့ အရိုးစုတွေလည်း တွေ့ရှိခဲ့ရလို့ပါ။

 မြင်းတွေရဲ့ အရိုးစုက အကောင် ၃၀ လောက်ရှိပါတယ်။ ထူးခြားတာ တစ်ခုကတော့ အရိုးစုတွေကို ကြည့်ခြင်းအားဖြင့် သေဆုံးသူတွေကို နံပါတ်လိုက် သေသေချာချာလေး စနစ်တကျနဲ့ မြုပ်ထားခဲ့တာပါ။ ဒီသင်္ချိုင်းကိုတွေ့ရှိခဲ့ပြီးနောက်မှာ ရှေးဟောင်းသုတေသနပညာရှင်များ၊ မနုဿဗေဒပညာရှင်နှင့်အတူ အထူးကျွမ်းကျင်သူ  ရှေးဟောင်းသုတေသနကြီးကြပ်ရေးမှူး Palermo ဦးဆောင်ပြီး တူးဖော်ရေးလုပ်ငန်းကို ၃ နှစ်တာ အချိန်ယူလုပ်ဆောင်ခဲ့ကြပါတယ်။

သတင်း အရင်းအမြစ်៖ Source - pahilopahilonews