သင်ဟာ နွားတွေကို  အနီးကပ်အစာကျွေးနေရတဲ့သူ ဒါမှမဟုတ် မွေးထားတဲ့ သူဆိုရင်တော့ နွားတွေမှာ ရှေ့သွားမပါကြတာကို သတိထားသိကြမှာပါ။ လူတော်တော်များများကတော့ နွားတွေမှာ ရှေ့မသွားပါတာကို ယနေ့အချိန်ထိ မသိကြပါဘူး။ ယခုဖော်ပြပေးမှာက နွားတွေမှာ ရှေ့သွား ဘာကြောင့်မပါတာလဲ..။ အစာကို ဘယ်လိုမျိုးဝါးစားကြလဲ ၊ ပြီးတော့ သူတို့မှာ သွားဘယ်နှချောင်းရှိလဲဆိုတာကို ဖော်ပြပေးသွားမှာပါ။

ကဲ...ဟုတ်ပါပြီ....နွားတွေမှာ ရှေ့သွားမပါပေမယ့် မေးရိုးရဲ့ အပေါ်ပိုင်းမှာတော့ သွားတွေရှိပါတယ်။ ပညာရှင်တွေရဲ့ လေ့လာချက်မှာ အပေါ်သွားမပါတာဟာ အဲ့ဒီနေရာမှာ ထူထပ်တဲ့ သွားဖုံးတစ်ခု လိုအပ်တာကြောင့် ရှေးသွားများမရှိတာလို့ ဆိုပါတယ်။ မြက် နှင့် ကောက်ရိုးတွေကို စားသောက်‌တဲ့ အခါမှာ ကြမ်းတမ်းတဲ့ လျှာနဲ့ လိမ်ဆွဲယူပြီး အပေါ်သွားဖုံးနှင့် အောက်သွားများကို အသုံးပြုကြပါတယ်။

သူတို့က အပေါ်သွားမပါလို့ အကြာကြီးဝါးစားရမယ်လို့တော့ မထင်ပါနဲ့ဦး ။ နွားတွေက အစားကို တော်ရုံမဝါးစားကြဘဲ ကိုက်ပြီးတာနဲ့ လျင်မြန်စာ မျိုချကြလို့ပါ။ ဒါပေမယ့် မြက်ပင်အတွင်းရှိ အစာကြေရခက်တဲ့ cellulose ဒြပ်စင်ကို ချေဖျက်ဖို့အတွက်ဆိုရင်တော့  အာဟာရဓာတ်ကို အံသွားများဖြင့် ဝါးပြီး ယူကြပါတယ်။

နွားတွေမှာ သွားဘယ်နှစ်ချောင်းရှိလဲဆိုရင် အရွယ်ရောက်ပြီးတဲ့ နွားတွေမှာ သွား ၃၂ ချေင်းထိရှိပါတယ်။ အောက်ခြေရှိ အရှေ့ဘက်မှာ အံကြိတ် ၈ ခု နှင့်  နောက်ကျောတစ်ဖက်စီမှာ အံသွားခြောက်ချောင်းရှိပါတယ်။ အပေါ်ဘက်ရှိ နောက်ကျောတစ်ဖက်စီမှာ အံသွား ၆ ခုပါရှိပြီး ရှေ့ဘက်ကြားမှာတော့ ထူထပ်တဲ့ သွားဖုံးပဲရှိတာ ဖြစ်ပါတယ်။

သတင်း အရင်းအမြစ်៖ Source - bestfarmanimals