သီချင်းဆိုခြင်းဟာ ပျင်းရိခြင်းကို ပြေပျောက်စေတဲ့ နည်းလမ်းတစ်ခုဖြစ်သလို ခက်ခဲကြမ်းတမ်းတဲ့ အဖြစ်မှ လွတ်မြောက်ဖို့ စိတ်သက်သာရာလည်း ဖြစ်ပါတယ်။ ဆိုတော့ တစ်နေ့ကို သင်ကြိုက်တဲ့သီချင်း ဘယ်နှစ်ခါလောက် ဆိုဖူးပါသလဲ။ အကြိမ် 50 လား၊ အကြိမ်တစ်ရာလား။ တချို့က အဲဒီ့ထက်ပိုပြီး သီချင်းဆိုနိုင်ကြပါတယ်။

ယုံချင်ယုံ မယုံချင်လည်းယုံ၊ အချို့ တေးသီငှက်များဟာ တစ်နေ့ကို အကြိမ် ၂၀၀၀ ကျော် သီချင်းဆိုကြပါတယ်။ လူတစ်ဦးဟာ အသံကြိုးများရဲ့ အကူအညီဖြင့် သီဆိုနေချိန်မှာ သီချင်းငှက်များဟာ သူတို့ရဲ့ syrinx ကနေ အသံထွက်လာပါတယ်။ ဒီအင်္ဂါကြောင့်သူတို့ဟာ တစ်ဖက်ကနေ လေရှူနိုင်ပြီး တစ်ဖက်ကနေ သီချင်းဆိုနိုင်ပါတယ်။ လူတွေဆိုရင် သီချင်းဆိုနေချိန် တစ်ချက်နားပြီး လေရှူရပါတယ်။

ဗီဇကြောင့် သီချင်းဆိုနိုင်တဲ့ အခြားငှက်မျိုးစိတ်များနဲ့ မတူဘဲ တေးသီငှက်များဟာ သူတို့ရဲ့ သီချင်းများကို သင်ယူပြီး လက်တွေ့လုပ်ဆောင်ကြပါတယ်။ အရွယ်ရောက်ပြီးတဲ့ ငှက်ကလေးတွေရဲ့ တေးဆိုသံကို နားထောင်ပြီး ဒီငှက်တွေဟာ သူတို့ရဲ့ အသိုက်ထဲမှာ ရှိနေစဉ် သီချင်းဆို‌နေတဲ့ ငှက်တွေရဲ့ သီချင်းတွေကို သင်ယူကြပါတယ်။ လူငယ်များဟာ လူကြီးများထံမှ ကြားရတဲ့ တီးလုံးများကို အတုယူပြီး လူကြီးများရဲ့ အသံကို အပြည့်အ၀ လိုက်ဖက်သည့်တိုင်အောင် အဲ့ဒီသီချင်း‌တွေကို လေ့ကျင့်ကြပါတယ်။ ထင်ရှားပြီး ထူးခြားတာက အချို့ တေးသီငှက်များဟာ ဖား၊ ကြောင်များ၊ သို့မဟုတ် ကားအချက်ပေးသံများလို အခြားမျိုးစိတ်များရဲ့ အသံများကိုတောင် အတုခိုးနိုင်ပါတယ်။

သတင်း အရင်းအမြစ်៖ Animal rescue professionals