သင့်အနေနဲ့ ခိုတွေကို ဉာဏ်မမီဘူးလို့ ထင်ကောင်းထင်နိုင်ပါတယ်။ ဒါပေမယ့် သူတို့က တကယ်တော့ ဉာဏ်ကောင်းကြပါတယ်။ 2011 ခုနှစ် သိပ္ပံဂျာနယ်မှာ ထုတ်ဝေခဲ့တဲ့ လေ့လာမှုတစ်ခုအရ ငှက်တွေဟာ မျောက်တွေနဲ့ တူညီတဲ့ သင်္ချာပညာကို တတ်မြောက်နိုင်စွမ်းရှိကြောင်း တွေ့ရှိခဲ့ပါတယ်တဲ့။

လေ့လာမှုအတွင်း ခိုများကို မတူညီတဲ့ အရာဝတ္ထုများစွာ ပါ၀င်တဲ့ ရုပ်ပုံကိုးပုံကို နှိုင်းယှဉ်ခိုင်းခဲ့ပါတယ်။ ငှက်များဟာ ရုပ်ပုံတွေမှာပါရှိတဲ့ အရာဝတ္တုများ ဘယ်လောက်ရှိလဲဆိုတာကို သေချာခွဲခြားနိုင်ကြောင်း သုတေသီများက တွေ့ရှိခဲ့ပါတယ်။ ရိုးရိုးရှင်းရှင်းပြောရရင် ငှက်တွေဟာ ရေတွက်နိုင်တယ်ဆိုတာ သူတို့ သိလာပါတယ်။

ခိုများဟာ စိတ်ကူးယဉ် ကိန်းဂဏန်း စည်းမျဉ်းများကို သင်ယူနိုင်ပြီး ဒါဟာ သိပ္ပံပညာရှင်များက မျောက်မျိုးနွယ်များသာ ပိုင်ဆိုင်တယ်လို့ ယုံကြည်ခဲ့ကြတဲ့ ပညာရပ်တစ်ခုဖြစ်ပါတယ်။ ငှက်များဟာ မြင့်မားတဲ့ သင်္ချာကို မတတ်နိုင်ကြပေမယ့်လည်း သူတို့ရဲ့ ကိန်းဂဏန်းများကို ဆင်ခြင်နိုင်စွမ်းဟာ မျိုးစိတ်မြောက်များစွာ လုပ်ဆောင်နိုင်တဲ့ အရာတစ်ခု ဖြစ်နိုင်တယ်လို့ သုတေသီများက ပြောပြခဲ့ပါတယ်။ ငှက်တွေတောင် သင်္ချာကျွမ်းပါတယ်လို့ ပြောချင်တာနဲ့အတူတူပါပဲ။

သတင်း အရင်းအမြစ်៖ The New York Times