သက်ရှိတိုင်းအတွက် မရှိမဖြစ် လိုအပ်တဲ့ အောက်ဆီဂျင်ကို မလိုအပ်တဲ့ တိရစ္ဆာန်

သိပ္ပံပညာရှင်များဟာ အောက်ဆီဂျင်လုံးဝမရှိဘဲ အသက်ရှင်နေတဲ့ ပထမဦးဆုံး Multicellular တိရစ္ဆာန်များကို တွေ့ရှိခဲ့ပါတယ်။ ဒီတိရစ္ဆာန်များဟာ ကမ္ဘာပေါ်ရှိ အကြမ်းတမ်းဆုံးပတ်ဝန်းကျင်မှာ နက်ရှိုင်းစွာနေထိုင်ကြပါတယ်။ အဲ့နေရာကတော့ မြေထဲပင်လယ် သမုဒ္ဒရာရဲ့ L'Atalante Basin ဆိုတဲ့နေရာဖြစ်ပါတယ်။ ဒီနေရာက ရေတွေဟာ ဆားငန်ရည်ပါဝင်ကာ အလွန်သိပ်သည်းပြီး အောက်ဆီဂျင်ပါရှိတဲ့ ရေများနှင့် မရောနှောပါဘူး။

ဒီနေရာမျိုးမှာ ဆဲလ်တစ်ခုတည်းအသက်ရှင်နေတာကို တွေ့ရှိပေမယ့်လည်း လေ့လာမှုအသစ်က ဆားဆားရည်အောက်ရှိ အနည်များတွင် နေထိုင်ပြီး မျိုးပွားနိုင်တဲ့ ဆဲလ်ပေါင်းများစွာကို ဖော်ထုတ်တွေ့ရှိခဲ့ပါတယ်။ အီတလီနှင့် ဒိန်းမတ် သုတေသီများဟာ Loricifera လို့ခေါ်ပြီး သေးငယ်တဲ့ တိရစ္ဆာန်မျိုးစိတ်သစ် ၃ မျိုးကို ဖော်ပြခဲ့ပါသေးတယ်။

ဒီတိရစ္ဆာန်များဟာ ရေဒီယိုသတ္တိကြွတစ်ခုလို့ သတ်မှတ်ထားတဲ့ Leucine (အမိုင်နိုအက်ဆစ်) ထဲမှာ အသက်ရှင်‌နေတာကို ပညာရှင်တွေက သုတေသနပြုလုပ်နေချိန်မှာ တွေ့ရှိခဲ့ပါတယ်။ ဆက်လက်ပြီး သိပ္ပံပညာရှင်တွေက သူတို့ဟာ ဥဥနိုင်ပြီး ကြမ်းတမ်းလှတဲ့ ဒီအနည်အနှစ်တွေထဲမှာ သူတို့ရဲ့ ဘဝတစ်ခုလုံးကို ကုန်ဆုံးနိုင်တယ်ဆိုတာပါ တွေ့ရှိခဲ့ကြပါသေးတယ်။ ဒီတိရစ္ဆာန်ရဲ့ ဆဲလ်များဟာ ဆဲလ်တစ်ခုကို စွမ်းအင်ပေးဖို့ အောက်ဆီဂျင်ကိုအသုံးပြုတဲ့ mitochondria များ ချို့တဲ့နေပုံရပါတယ်။

အောက်ဆီဂျင်အစား သူတို့ဟာ ဟိုက်ဒရိုဂျင်နိုဆုန်းများ၊ အန်အေရိုးဗစ် (သို့မဟုတ် အောက်ဆီဂျင်မပါတဲ့) ပတ်ဝန်းကျင်မှာ အလားတူအလုပ်မျိုး လုပ်ဆောင်နိုင်တဲ့ organelles များ ကြွယ်ဝပါတယ်။ ဒီရှာဖွေတွေ့ရှိမှုဟာ အောက်ဆီဂျင်အလွန်နည်းတဲ့ ကမ္ဘာရဲ့အစောပိုင်းသမုဒ္ဒရာများမှာ သက်ရှိများရဲ့ပုံသဏ္ဍာန်ကို သိပ္ပံပညာရှင်များနားလည်စေဖို့ ကူညီပေးနိုင်ပါတယ်။

သတင်း အရင်းအမြစ်៖ Science