နို့တိုက်သတ္တဝါတွေက ဥများဥတတ်ပါသလား။ သင်သိထား သတ္တဝါတွေထဲမှာ ဥဥတတ်တဲ့ သတ္တဝါတွေရော တွေ့ဖူးကြတာရှိလား။ နို့တိုက်သတ္တဝါများအားလုံးဟာ သွေးနွေးသတ္တဝါများဖြစ်ကြပြီး သူတို့ ခန္ဓာကိုယ်မှာ အပူချိန်ထိန်းညှိပေးတဲ့ ယန္တရားများရှိကြပါတယ်။ နို့တိုက်သတ္တဝါများမှာ လူသားများအပြင် ဆင်၊ ခြင်္သေ့၊ ကျွဲ၊ ကြောင်၊ ခွေး၊ သိုး၊ ဆိတ်နှင့် အခြားများပါဝင်ပါတယ်။ သူတို့က ဥများမဥကြဘူးလို့ သိထားကြပေမယ့် တစ်ခုတည်းသော ဥများဥတဲ့ နို့တိုက်သတ္တဝါကတော့ Monotremes သတ္တဝါလေးတွေပါ။

Monotremes ဆိုတာ ဘာလဲ

Monotremes ဆိုတာက ကျွန်တော်တို့ဆီမှာ ဖြူးလို့ခေါ်ကြတဲ့ နို့တိုက်သတ္တဝါလေးတွေပါ။ ဖြူးမှာ ဥဥတဲ့မျိုးကွဲ နှစ်မျိုးနှစ်စားရှိပါတယ်။ ဘဲချေလွှာပေါက် ၊ အီချဒ်နာလို့လည်းသိကြသည့် ကျောရိုးမွှားကောင်ဆိုပြီး ရှိကြပါတယ်။ ဘဲချေလွှာပေါက်မျိုးစိတ်က ရေနဲ့ နီးတဲ့ ပတ်ဝန်းကျင်မှာ နေကြပြီး  သူက ဘဲနှုတ်သီးနဲ့တူတဲ့ နှုတ်သီးရှိပါတယ်။ ပြီးတော့ ဘဲချေလွှာပေါက် အထီးတွေက လူကိုတောင် သတ်နိုင်တဲ့ အဆိပ်အတောက်များကို ထုတ်လွှတ်နိုင်ကြပါတယ်။ သူတို့ကိုတွေ့ချင်ရင်တော့ တက်စမေးနီးယားနှင့် ဩစတေးလျအရှေ့ပိုင်းတွေမှာ အများဆုံး တွေ့ရနိုင်ပါတယ်။

အီချဒ်နာမျိုးစိတ်တွေကတော့ အများအားဖြင့် တွေ့ဖူးကြတဲ့အတိုင်း နောက်ကျောမှာ ချွန်ထက်တဲ့ အဆူးရှည်များပါပါတယ်။ အီချဒ်နာမျိုးစိတ်မှာလည်း မတူတဲ့ လက္ခဏာများရှိတဲ့ မျိုးစိတ် လေးမျိုးရှိပါတယ်။ ဒါပေမယ့် သူတို့က ရန်သူကို တိုက်ခိုက်ရာမှာ ကျောမှာပါတဲ့ အဆူးတွေနဲ့ အကောင်းဆုံး တိုက်ခိုက်ကြပါတယ်။ ဖြူးတွေကို နို့တိုက်သတ္တဝါလို့ ခွဲခြားသတ်မှတ်ထားပေမယ့် နို့တိုက်သတ္တဝါမဟုတ်တဲ့ အခြားတိရိစ္ဆာန်များနှင့် တူညီတဲ့ လက္ခဏာများရှိပါတယ်။

အဲ့တာကတော့ သာမန်နို့တိုက် သတ္တဝါတွေနဲ့ နှိုင်းယှဉ်ကြည့်ရင်း သူတို့ရဲ့ ခန္ဓာကိုယ်က အနည်းငယ်လျော့နည်းပါတယ်။ ဖြူးတွေမျိုးဥချရင်လည်း လိပ်တွေလို မြေကြီးတွင်းခတ်ပြီး ဥချကြတာ ဖြစ်ပါတယ်။ ဒါက နို့တိုက်သတ္တဝါတွေမှာ ဥဥတဲ့ သတ္တဝါကို ဖော်ပြခဲ့တာဖြစ်လို့ သင်သိထားတဲ့ သတ္တဝါရှိရင် ပြောပြပေးခဲ့ပါဦး။

သတင်း အရင်းအမြစ်៖ Source - worldatlas