တိုက်တန်းနစ် သင်္ဘောပျက်ကို ရှာဖွေတွေ့ရှိပြီးနောက် အနှစ် ၄၀ နီးပါးအကြားမှာ အသစ်ထွက်ရှိလာတဲ့ ဗီဒီယိုဖိုင်က လွန်ခဲ့တဲ့ ရာစုနှစ်တစ်ခုကျော်က နစ်မြုပ်ခဲ့တဲ့ သင်္ဘောရဲ့ အသေးစိတ်အချက်အလက်တွေကို ပြန်လည်မြင်သာမှုရှိခဲ့တယ်လို့ ဆိုပါတယ်။

သမုဒ္ဒရာရှာဖွေရေးကုမ္ပဏီ OceanGate Expeditions က ယခုသီတင်းပတ်မှာ တိုက်တန်းနစ် သင်္ဘောပျက်ရှိရာ မြောက်အတ္တလန္တိတ်သမုဒ္ဒရာအောက်ခြေကို နောက်ဆုံးသွားရောက်လေ့လာခဲ့တဲ့ 8K ဗီဒီယိုကို YouTube မှာ ဖော်ပြခဲ့ပါတယ်။အဲ့ဒီ ဗီဒီယိုဖိုင်မှာ သုတေသီတွေရဲ့ ရိုက်ကူးဖော်ပြချက်အရ ဆိုရင် တိုက်တန်းနစ် သင်္ဘောပျက်ကြီးဟာ သမုဒ္ဒရာအောက်ခြေမှာ နစ်နဲ့ချီပြီးရှိနေခဲ့ပေမယ့် မူလအတိုင်းရှိနေသေးတယ်လို့ ပြောကြားထားပါတယ်။

ဒါ့အပြင် "ဗီဒီယိုထဲမှာ အစောပိုင်းက သင်္ဘောပျက်ရဲ့ ကုန်းပတ်ပေါ်မှာ ရှိနေတဲ့ ၁၅ တန် အလေးချိန်ရှိတဲ့ ကရိန်းအပြင် ပြိုကျသွားတဲ့ ပင်မရွက်တိုင်နဲ့ နဂိုက တွဲထားတဲ့ ချည်နှောင်ထားတဲ့ ကြိုးကို တွေ့နိုင်ပါတယ်" ဆိုပါတယ်။ပြီးတော့ တိုက်တန်းနစ်သင်္ဘော နှစ်ခြမ်းကွဲသွားချိန်မှာ သမုဒ္ဒရာကြမ်းပြင်သို့ ပြုတ်ကျခဲ့သည့် တစ်ခုတည်းသော ဘွိုင်လာများထဲမှ တစ်ခုကို သူတွေ့မြင်ခဲ့ရကြောင်း သတင်းစာရှင်းလင်းပွဲမှာ ပြောကြားခဲ့ပါတယ်။

ဒီအဖွဲ့အစည်းက တိုက်တန်းနစ်သင်္ဘော အပျက်အစီးတွေကို ဆယ်စုနှစ်နဲ့ချီ လေ့လာနေတဲ့ တစ်ခုတည်းသော အဖွဲ့တစ်ခုလည်း ပါတယ်။

တိုက်တန်းနစ်သင်္ဘောဟာ ယူကေ ဆောက်သမ်တန်မှ ထွက်ခွာပြီးနောက် နယူးယောက်မြို့သို့ ဦးတည်သွားခဲ့ရာမှာ ၁၉၁၂ ခုနှစ် ဧပြီလ ၁၄ ရက် နေ့မှာ ရေခဲတောင်ကို ဝင်တိုက်မိပြီး နစ်မြုပ်ခဲ့ရာကနေ လူပေါင်း ၁၅၀၀ နီးပါး သေးဆုံးခဲ့ပါတယ်။

တိုက်တန်းနစ်သင်္ဘော ပျက်ကြီးကိုတော့ ၁၉၈၅ ခုနှစ်မျာ မြောက်အတ္တလန္တိတ်သမုဒ္ဒရာအောက် ၁၂,၄၁၅ ‌ပေအနက်မှာ ပထမဆုံး ‌ရှာဖွေတွေ့ရှိခဲ့တာ ဖြစ်ပါတယ်။

တိုက်တန်းနစ်သင်္ဘော နစ်မြုပ်ခဲ့စဉ်က ကမ္ဘာ့တစ်ဝှမ်းကို တုန်လှုပ်သွားစေခဲ့ပြီး ယနေ့အချိန်ထိ မမေ့နိုင်စရာ ဖြစ်ရပ်တစ်ခုပဲ ဖြစ်ပါတယ်။