ပုံမှန်အားဖြင့် အရာဝထ္ထူတွေရဲ့ အလေးချိန်ကို တိုင်းတာကြပေမယ့် လေပေါ်မှာလွင့်ပျံနေတဲ့ cumulus တိမ်တိုက်တွေက မည်မျှအလေးချိန်ရှိနိုင်လဲဆိုတာကိုတော့ မစဉ်စားခဲ့မိပါဘူး။ တိမ်များဟာ တကယ်တော့ ရေခိုးရေငွေ့များဖြင့် ဖွဲ့စည်းထားတာဖြစ်လို့ သူ့မှာ အလေးချိန်ရှိပါတယ်။ ဒါဆိုရင် လေထဲမှာ တိမ်တစ်ခုရဲ့ အလေးချိန်က ဘယ်လောက်ရှိလဲ..? ။ တိမ်တစ်ခုရဲ့ အလေးချိန်ကို သိရဖို့ဆိုရင် သင်္ချာနိရာမတရားကိုအသုံးပြုရမှာပါ။

လေဖိအားနှင့် ဘာရိုမီတာကို သင်သိပါက လေ ဘယ်လောက် အလေးချိန်ရှိလဲဆိုတာကို သိနိုင်ပါတယ်။ ပင်လယ်ရေမျက်နှာပြင်ရှိ လေထုအလေးချိန် (ဖိအား)ဟာ တစ်စတုရန်းလက်မလျှင် ၁၄ ½ ပေါင် (စတုရန်းစင်တီမီတာလျှင် ၁ ကီလိုဂရမ်) ခန့်ရှိပါတယ်။ တိမ်များဟာ ရေခိုးရေငွေ့များဖြင့် ဖွဲ့စည်းထားပေမယ့် လေထုထဲမှာ လွင့်ပျံသွားရခြင်းရဲ့ အဓိက သော့ချက်ကတော့ သူ့ရဲ့ထုထည်ဟာ ခြောက်သွေ့တဲ့ လေထု ပမာဏ သိပ်သည်းဆထက် နည်းပါးတာကြောင့် ဖြစ်ပါတယ်။

ဥပမာ - ဆီဟာ သိပ်သည်းမှုနည်းတာကြောင့် ရေပေါ်မှာ ပေါ်နေသလိုပဲ တိမ်းများမှာ စိုစွတ်တဲ့လေဟာ ခြောက်သွေ့တဲ့လေထက် သိပ်သည်းမှုနည်းတာကြောင့် လေပေါ်မှာ လွင့်နေတာဖြစ်ပါတယ်။ ဒါပေမယ့်  ဒီသဘောတရားက ဖြေရှင်းဖို့ ပိုမိုရှုပ်ထွေးတာကြောင့် တိမ်ရဲ့ အလေးချိန်ဟာ သင်သတ်မှတ်တဲ့ ပုံပေါ်မှာ မူတည်ပါတယ်။

cumulus တိမ်တိုက်သိပ်သည်းဆကို ခန့်မှန်းခြေတွက်ချက်ကြည့်ရာမှာ ကုဗမီတာလျှင် ၀.၅ ဂရမ်ခန့် ထားမယ်ဆိုရင် ၁ ကုဗကီလိုမီတာ (km3) တိမ်တိုက်တစ်ခုမှာ ရေငွေ့စက်‌ပေါင်း ကုဗမီတာ ၁ ဘီလီယံရှိရင်  (၁,၀၀၀,၀၀၀,၀၀၀ x ၀.၅ = ၅၀၀,၀၀၀,၀၀၀ ဂရမ်) ရရှိပါတယ်။ ဒါကြောင့် တိမ်တစ်ခုမှာ ၅၀၀,၀၀၀ ကီလိုဂရမ် သို့မဟုတ် ပေါင် ၁.၁ သန်း (၅၅၁ တန်ခန့်) ထိ အလေးချိန်ရှိနိုင်ပါတယ်။

သတင်း အရင်းအမြစ်៖ Source - usgs