ကမ္ဘာပေါ်ရှိ သစ်ပင်များက ကောင်းကင်ယံရှိ ကြယ်များထက် ပိုများတယ်ဆိုတာ သင်သိပါသလား....?

ကျွန်တော်တို့ ကမ္ဘာမြေပေါ်မှာ ရှင်သန်ပေါက်ရောက်နေတဲ့ သစ်ပင် နှင့် ကမ္ဘာ့အပြင်ဘက်ရှိ ကြယ်တွေနဲ့ ယှဉ်ကြည့်မယ်ဆိုရင် ဘယ်ဟာက ပိုများတယ်လို့ ထင်မိကြလဲ...? ။ ပညာရှင်တွေရဲ့ ‌လေ့လာချက်အရ Milky Way နဂါးငွေ့တန်းဂလက်ဆီထဲက ကြယ်တွေထက် ကမ္ဘာပေါ်ရှိ သစ်ပင်တွေက ပိုများတယ်လို့ ဆိုထားပါတယ်။

၂၀၁၅ ခုနှစ် စက်တင်ဘာလက Nature မှ ထုတ်ဝေခဲ့တဲ့ “Mapping Tree Density at a Global Scale” ခေါင်းစဉ်ဖြင့် သိပ္ပံပညာဂျာနယ်မှာ ကမ္ဘာပေါ်ရှိ သစ်ပင်အရေအတွက်ဟာ 3.04 ထရီလီယံ ရှိသလို  နဂါးငွေ့တန်းဂလက်ဆီမှ ကြယ်အရေအတွက်ဟာ 100 ဘီလီယံမှ 400 ဘီလီယံကြားမှာ ရှိနိုင်ကြောင်း NASA မှ ခန့်မှန်းခဲ့ပါတယ်။

ဒါပေမယ့် နဂါးငွေ့တန်းဂလက်ဆီမှ ကြယ်အရေအတွက်ကို ခန့်မှန်းရာမှာ ပုံစံအမျိုးမျိုးရှိပြီး ကြယ်တစ်လုံးရဲ့ ပျမ်းမျှထုထည်အဖြစ် အသုံးပြုသည့်အရာပေါ်မူတည်တယ်လို့ ဆိုပါတယ်။ အသုံးများတဲ့ ခန့်မှန်းချက်က နဂါးငွေ့တန်းဂလက်ဆီမှာ အနိမ့်ဆုံး ကြယ်ပေါင်း 100 ဘီလီယံရှိပြီး အမြင့်ဆုံး ဘီလီယံ 400 ရှိနေပုံရပါတယ်။  ဒါပေမယ့် ဒီထက်မြင့်မားတဲ့ ကိန်းဂဏန်းတွေလည်း ရှိကြပါတယ်။

ယခုခန့်ချက်များဟာ ကမ္ဘာမြေပေါ်ရှိ သစ်ပင်များနှင့် နဂါးငွေ့တန်းရှိ ကြယ်များရဲ့ အရေအတွက်ကို အနီးစပ်ဆုံးဖြစ်အောင်ပဲ ခန့်မှန်းထားကြတာပါ။ အမှန်တော့ ကမ္ဘာတစ်ဝှမ်းရှိ သစ်ပင်အရေအတွက်နှင့် ကောင်းကင်ယံရှိ ကြယ်များကို ခန့်မှန်းရန်မှာ အလွန်ခက်ခဲတဲ့ အရာတစ်ခုလို့ ပြောလို့ရပါတယ်။

နောက်တစ်ခုက ယနေ့ခေတ် ကမ္ဘာ့တစ်ဝှမ်းရှိ သစ်ပင်အရေအတွက်ဟာ ခုတ်လှဲခြင်း၊ တောမီးလောင်ကျွမ်းခြင်းတို့ကြောင့် သိသိသာသာ လျော့နည်းလာခဲ့တာ တွေ့ရပါတယ်။ ကမ္ဘာတစ်ဝှမ်းရှိ သစ်ပင်အရေအတွက်က ကောင်းကင်ယံရှိ ကြယ်ထက် များတယ်ဆိုတဲ့ အဖြေကို ဘယ်လို့ထင်မိပါသလဲ..?။

သတင်း အရင်းအမြစ်៖ Source - snopes